Дэри ёросысь Пероггуртын спортъя выль комплекс усьтӥськиз

Ангелина Снигирева
By Ангелина Снигирева Февраль 11, 2019 11:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Со кылдӥз кунлэн но ужбергатӥсьёслэн огкылысь ужамзылы луыса. Ужбергатӥсьёс мугорез кыдатон юртэз ӝутонлы ог 200 миллион манет висъязы. «Заря» выль комплексын 25 метръем бассейнэз вань. Со Уянъя калыккуспо федерацилэн куронъёсызлы тупа: кузьдалаез 25 метр, пасьталаез 16 метр, 6 чурен уяны луэ, омырез шунтӥсь-сиятӥсь тӥрлык пуктэмын. Озьы ик спорткомплексын тренажёръёсын залэз, сиськон интыез вань. Огдыре отын ог 2 сюрс 500 мурт мугорзэ кыдатыны быгатэ.

Спортъя объектэз усьтон ужрадэ пыриськиз Правительстволэн Тӧроезлэн воштӥсез Александр Свинин, мугорез кыдатон культурая, спортъя но егитъёсын ужан политикая министр Наталья Гольцова.

Александр Свинин бизнеслы тау кариз но шуиз: «Комплексэ ветлыны быгатозы Дэри ёросысь но Ижкарысь Ленин ёросысь нылпиос. Таза улон борды кыстӥськыны, таза луыны табере тросгес луонлыкъёс кылдытэмын».

Выль объектэз дунъяса, Н. Гольцова будэтӥз: спорткомплекслэн кивалтӥсьёсыз уян спортэз азинтон понна дурбасьто, соин огкылысь ужалом Удмуртиысь Уянъя федерациен.

Комплексэз усьтон дыръя уянъя элькун ӵошатсконъёс ортчизы на. Отчы пыриськизы ог 70 спортсменъёс, ветеранъёс но любительёс. Соос пӧлын вал спортъя мастеръёс Рамиля Нигматуллина, Роман Уланов, Вадим Шалаев, ветеранъёс пӧлын нюръяськиз Россиысь чемпион — 70 аресъем Нина Александрова.

Сергей Захаров

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Февраль 11, 2019 11:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<