Григорий Симаковлэн арез

Ангелина Снигирева
By Ангелина Снигирева Февраль 13, 2019 17:24

Туэ 100 арес тырмысал Ува ёросын вордӥськем нылпи писательлы Григорий Симаковлы. «Удмурт Кенешлэн» ёросысь ёзэз кичӧлтэмезъя таиз ар солы сӥземын.

Г. Симаков

— Ми, культура удысын ужасьёс, удмурт движение пыриськисьёс, ӵош пуксимы но гожъяськисьмылы сӥзем ужрадъёсын быдэс арлы план дасямы, — вераз кенешчи, нылпи библиотекаын ужась Зоя Зарипова. — Кылем арысен ик нылпиос пӧлын суреданъя, кылбуръёсты вольыт лыдӟонъя, верос яке выжыкыл гожтонъя конкурсъёс ортчытӥмы.

Писательлэн вордӥськем нуналаз — 10-тӥ феврале — бадӟым конференция ортчиз Красной черкогуртын. Отын дышетскиз Г. Симаков.

Нош 15-тӥ феврале пиналъёс понна нимаз конференция ортчоз ёросысь библиотекаын. Отчы пыриськыны мылкыдзэс веразы ни Булайысь, Жужгесысь, Поршурысь, Выль Мултанысь, Мушковайысь дышетскисьёс. Туэ Театрлэн арез бере, ас пал гожъяськисьмылэн произведениосызъя нылпиосты театрализованной представление лэсьтыны куримы.

Азьланезлы бадӟым малпанмы Г. Симаковлэсь книгаоссэ выльысь поттыны. Угось библиотекаямы соос трос ӧвӧл. Тани ужрадъёслы дасяськоно, нош писательлэсь книгазэ нылпиослы сётыны ёрмиськом. Та ужез быдэстыны кутскимы ни.

Г. Симаковлэсь куд-ог произведениоссэ выльысь бичаса но солэн веросъёсызъя конкурсэ вуэм нылпи суредъёсты ватсаса, ас быгатэммыя пичигес книгаос кӧня ке поттӥмы ни. Соизлы но шумпотӥськом, нылпиосмы ас пал адямизы сярысь тросгес мед тодозы кадь потэ.

«Инвис» туристической станциен кивалтӥсьмы Алексей Веселков кичӧлтэмъя ёросысь нылпиосмы писательлэн веросъёсызъя, выжыкылъёсызъя мультфильмъёс дасязы. 4 пинал гинэ пыриськиз ке но, ужъёссы ушъямонэсь, чебересь пӧрмизы.

Ангелина Снигирёва

Ангелина Снигирева
By Ангелина Снигирева Февраль 13, 2019 17:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<