Бускельёсын огкылысь

Ангелина Снигирева
By Ангелина Снигирева 1 февраля, 2019 11:05

Удмурт шаере вуизы Пермь улосысь кун ёзъёсысь кивалтӥсьёс. 2 нунал ӵоже соос пырисько «21-тӥ даурысь школа: кужыммес валчеяса» конференцие.

Пермь делегация

— Пермь улослэн парламентэныз кусып возён сярысь огкыл юнматӥмы ни кӧня ке ар талэсь азьло, — ужрадэз усьтыса, шуиз Удмуртиысь Кун Кенешлэн Тӧроез А. Прасолов. — Депутатъёсынызы кенешиськомы пӧртэм ужпумъёсъя. Соос маке ласянь асьмелэсь адӟем каро, асьмеос — соослэсь. Табере дыр вуиз дышетонэн герӟаськем юанъёсты сэрттыны.

Конференция улсын ортчизы пӧртэм ужрадъёс. Котрес ӝӧк сьӧрын, кылсярысь, кенешизы нылпиослэсь быгатонлыкъёссэс ӝутон, зэмос азьветлӥсьёсты будэтон но пиналъёслы вордскем музъемез яратон мылкыд пыӵатон сярысь. Со сяна, саклык висъямын егитъёсын ужанлэсь пайдазэ ӝутонлы, будӥсь пиналъёсты общественной улонэ кысконлы. Элькунысьтымы дышетонъя но наукая министр С. Болотникова мадиз шаерамы дышетонэз радъян сярысь. Нош Пермь улосысь та удыс понна ик кыл кутӥсь Л. Калинчикова ивортӥз выль ужан амалъёссы пумысен.

Пермь улослэн делегациез вуылӥз Ижысь 86 номеро гуманитарно-юридической лицее, 97 номеро школае, «Кванториум» технопарке. Соос ас синмынызы чаклазы дышетон удысын туала амалъёслэсь кутӥськемзэс.

«21-тӥ даурысь школа: кужыммес валчеяса» ужрадын озьы ик саклык висъяськиз Кун Думаысь депутатлэн И. Сапколэн кичӧлтэмезъя кылдытэм «С Думой о детях» проектэзлы. Со сӥземын визьмо, шаплы но усто нылпиосты шараянлы, правоосты-законъёсты тодэмзэс ӝутонлы.

Елена Никитина

Туспуктэм басьтэмын Кун Кенешлэн сайтысьтыз

Ангелина Снигирева
By Ангелина Снигирева 1 февраля, 2019 11:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<