АФУН-ын вераськизы культура удысэз азинтон сярысь

Ангелина Снигирева
By Ангелина Снигирева Февраль 15, 2019 16:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиысь культура удыслэн азинскемез адӟем карымон луэ тросэзлы фин-угор улосъёслы. Уката ик – кызьы лулчеберет удысэ егитъёсты кысконо.
Россиысь фин-угор калыкъёслэн ассоциацизылэн (АФУН) кенешоназ та югдур сярысь ивортӥз Удмуртиысь культурая министр Владимир Соловьёв. Котькуд улосын сяменгес ик, шаерамы но культура удысысь 40 процентэз гинэ ужасьёс зэмос профессионалъёс. Озьыен, уж инты вань. Нош егитъёс отчы уг дырто. Со понна пиналъёслы нимысьтыз условиос кылдытоно.

— Удмурт театрлэсь труппазэ пиналмытыны быгатӥм, Москваысь Щепкин нимо вылӥ театр училищеын 20 нылъёсты но пиосты дышетыса. Соослы ваньзылы уж инты сётӥм, улыны служебной квартираос висъям. Та амалэн али выльдыны чакласьком Мунё театрысь труппаез. Со понна Санкт-Петербурге Россиысь сцена искусствоосъя кун институтэ 12 мурт дышетскыны келямын. Соос пӧлысь 6 адями — удмурт кылын ужась артист луыны кулэ, — вераз Владимир Соловьёв.
Уго республикаын 30 ар пал ини ужа усточи нылпиослы школа-интернат. Отын кыдало вуоно крезьгурчиос, кырӟасьёс, суредасьёс. Но егитъёсты, Удмуртилэн палэназ дышетскыны кошко ке, вордскем шаеразы кыскыны туж шуг ни. Озьыен тужгес пайдаё луэ, целевой амалэн дышетыса.
Со сяна, фин-угор улосъёсысь вуэм куноос пыр-поч юалляськизы, макем мыло-кыдо ветло учкисьёс удмурт спектакльёсы, дуноесь-а билетъёс, вань-а удмурт кылын опера но балет, ёрмо-а удмурт пьесаослы но мукет.

Елена Скворцова

Туспуктӥз М. Егоров

Ангелина Снигирева
By Ангелина Снигирева Февраль 15, 2019 16:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<