Афганистанын бырем ожгарчиосты буре вайыса, «Вунонтэм батальон» акция ортчиз

Ангелина Снигирева
By Ангелина Снигирева Февраль 15, 2019 13:47

Афганистатын пуромем ожмаськонэ удмурт шаерысь 10 ар куспын — сомында ар душманъёсын нюръяськон мынӥз — 2 сюрс 400 пала мурт вуылӥз, 80-лэсь ятырез доразы ӧз бертэ ни. Туннэ, 15-тӥ тулыспалэ, Афганистанысь советской войскоосты поттэм дырысен 30 ар тырмиз. Та нуналэ Ижысь пӧсь интыосын ожгарчиослы сӥзем синпелет доры ожгарчиос, кадетъёс, кивалтӥсьёс люкаськизы, буре ваизы Афганистанын бырем солдатъёсты, сяська керттэтъёс тыризы.
Нырысь-валысь, «Боевое братство» огазеяськон кичӧлтэмъя кадет классъёсын дышетскисьёс, Афганистанысь ожмаськонэ пыриськем ожгарчиослэн семьяоссы «Вунонтэм батальон» акциен Вормон сквер дорысен пӧсь интыосын ожгарчиослы сӥзем синпелет дорозь ортчизы. Нуизы 80 туспуктэмъёсты — ваньмыз та адямиос ожмаськонысь ӧз берытске ни.
«Боевое братстволэн» кивалтӥсез Игорь Быков шуиз: «Та выллем акциез мукет улосъёслэсь асэстӥм, отын сое вазенгес ортчытъяны кутскизы вал ни. Милемлы но сыӵе ӟеч сямез азинтоно шуыса малпамы. Ужрад кыкетӥ арзэ ортче ни, солы дур басьто нылпиос но, кивалтӥсьёс но. «Вунонтэм батальонэнымы» Быдӟым Вормонлы сӥзем но мукет бадӟым акциос дыръя потаны чакласькомы на».
Синпелет дорын люкаськем калыклы вазиськизы, ожгарчиослы но семьяоссылы тау каризы Удмуртиысь военной комиссар Александр Комлев, Ижкарлэн Тӧроез Олег Бекмеметьев, Город Думалэн кивалтӥсез Олег Гарин но мукетъёсыз.

Ангелина Снигирёва

Туспуктӥсьёс: М. Егоров но А. Снигирёва

Ангелина Снигирева
By Ангелина Снигирева Февраль 15, 2019 13:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<