Шутэтскон интые — дышетскон

Ангелина Снигирева
By Ангелина Снигирева Январь 29, 2019 12:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кызьы тӥ пумитады Выль арез? Мон туж пайдаё, малы ке шуоно туж аспӧртэмлыко лагере вуылӥ.

Котькуд ар удмурт егитъёслэн «Шунды» огазеяськонзы «Вамыш» лагерь радъялля. Туэ со 2-тӥ — 6-тӥ толшоре вал. Нуналъёс туж ӝог ортчизы. Валаса но ӧй вутты, кызьы лагерь йылпумъяськиз.

Лагерьын мон трос тодон-валан басьтӥ. Туж ик умой уг тодӥськы вал, мар со SMM, графической дизайн, проектирование. Ӵа-пак соосын мон «Вамышын» тодматски.

— Котькуд нунал кыӵе ке ӧрлы сӥземын вал, — вераз «Шунды» огазеяськонлэн тӧроез Алина Чернова. Милемын ужаз проект-менеджер Анна Габдуллина, со дышетӥз сюлмаськытӥсь ужпумъёсты сэрттыны-пертчыны но отысь проект кылдытыны. Вотэсын бамъёсты нуыны, пресс- но пост-релиз гожъяны дышетӥз «Дарт» газетлэн редакторез, «Шунды» правленилэн ёзчиез Мария Емельянова. Графической дизайнэз нуиз Тарас Азаренко. Эшъяськон юртысь ӧнерчиос калыкъёсты гажан, валан, эшъяськыса улон сярысь кенешон-споръяськон радъязы. Озьы ӧръёс, туала улонэз чакласа, быръемын вал.

Ми пӧртэм тунсыко удмуртъёсын но пумиськимы. Кылсярысь, чурали (блогер) Алина Крестьянинова, туспуктӥсь Максим Егоров, йӧскалык политикая министр Лариса Буранова вуылӥзы. Нош кӧня пиналъёсын тодматски! Кин ке эктэ, кин ке гитараен яке арганэн шудыны быгатэ, нош кин ке воксё машина бича.

Мон понна «Вамыш» — нырысь ик удмуртлыкез утён но азинтон понна проект. Озьы мед луоз шуыса, радъясьёс трос тыршизы, вожатойёс уен-нуналэн милемын ужазы, шулдыртӥзы, пӧртэм ужрадъёс ортчытъязы.

Мон гинэ лагерьысь бурдъяськыса ӧй берты, Алнаш ёросысь Удмурт Гондыр гуртысь Лана Боброва мылкыдзэ вераз:

— Лекциосын но занятиосын ми трос тодон-валан люкамы. Тужгес но кельшиз SMM сярысь лекция, та ӧре ик мон куриськонме лэзи вал. Милемлы валэктӥзы, кызьы статьяосты, заметкаосты, постъёсты удмурт кылын гожъяно. Ужрадъёс но тодам кылёзы: ми станциосъя бызьылӥмы, КВН дыръя серекъямы, удмурт калык шудонъёсын шудӥмы. Туж аспӧртэмлыко ролевой шудон ортчиз: милемыз корпусамы пыртӥзы, тылъёсты кысӥзы, кышкатъязы. Таӵе квест порма шудон мыным туж яраз.

— «Вамыш» лагерь мон понна выжыкыл дунне выллем, — сюлмысьтыз шуиз Сьӧлта ёросысь Эшметьгуртысь Светлана Ленцова, — ваньмы пӧртэмесь ке но, милемыз герӟаз одӥг малпан: ми ваньмы тыршиськомы удмурт луэммес шараяны.

Никита Соприн

Туспуктӥз Алёна Глухова

Ангелина Снигирева
By Ангелина Снигирева Январь 29, 2019 12:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<