Хозяйство ӝутоз корка

Ангелина Снигирева
By Ангелина Снигирева Январь 11, 2019 17:03

Гуртъёсты азинтон программа выль шокчон кузьма. Ӵапак соя гуртъёсысь егит специалистъёс но семьяос быгато асьсэлы корка пуктыны.

Программая 2018-тӥ арын 10,2 сюрс квадрат метр лэсьтэмын, мукет сямен вераса, 95 семья корка пырон ортчытӥз. Гурт удысъя но сиён-юонъя министр Ольга Абрамова пусъемъя, черодын сылӥсьёс ялан люкасько бере, туэ 120 семьялы юрттымон коньдон висъяськоз.

Со сяна, азьланяз куд-ог гуртъёсты паськытатыны чакламын. Кылсярысь, Глазов ёросысь Кечпигуртын типовой коркаос пуктыны 26 участок висъямын ни. Татысь «Коммунар» хозяйство ачиз ик басьтӥськоз соосты лэсьтон, отчы сюрес, шуныт, тыл, ву кыскон борды. Сыӵегес ик проект кисьма Пичи Пурга, Сарапул ёросъёсын. Коркаос борды чакламын медпункт, нылпи сад, магазин лэсьтыны. Берло 5 ар ӵоже тазьы пуктӥськыны пӧрмытӥз Глазов ёросысь «Чура» хозяйство гинэ. Табере уж вырӟыны кулэ: комплексной застройкаослы федерал бюджетысь уксё висъяськоз. Министр пусъемъя, проект борды басьтӥськисьёс ог 300 миллион манет утыны быгатозы. Туннэ хозяйствоос тазьы ужаны дасесь. Со угось егит кадръёсты гуртэ кельтыны юрттоз.

Миым гуртъёсы кыскыны луиз 7 иськем ву но 16 иськем газ гумыос, туэ та лыдпусъёс йылозы: 11 иськем ву но 36 иськем газ гумыос кыскыны чакламын. 2018-тӥ арын лэсьтэмын ог 40 иськем сюресъёс. Ольга Абрамова пусъемъя, тросаз татчыозь машинаен пырыны но, потыны но уг луы вал. Туэ ог 70 иськем гурт сюресъёсты лэсьтыны чакламын.

— Гуртоослэсь сюлмаськонъёссэс санэ басьтыны тыршимы, — шуэ Ольга Викторовна. — Кинлэн ке угось гуртэ шутэтскон инты лэсьтэмез потэ, кин ке нылпиослы шудон площадка пумысен сюлмаське. Соин ик умой проектъёсты бырйимы но 46-сэ быдэстыны гурт поселениослы грант висъямы. 2017-тӥ арын 13 проектлы гинэ коньдон сётыны быгатӥмы вал. Туэлы али ик 148 куриськон вуэмын ни. Соин ик ужез одно азинтомы.

Елена Сараматова

Ангелина Снигирева
By Ангелина Снигирева Январь 11, 2019 17:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<