Удмуртилэн Общественной палатаеныз кивалтоз Рашид Хуснутдинов

Удмурт Дунне
By Удмурт Дунне Январь 25, 2019 15:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Толон, 24-тӥ январе, Общественной палаталэн 5-тӥ ӧтчамезлэн нырысетӥ кенешонэз ортчиз. Солэн ёзчиосыз дурбасьтэмзэс веразы Россиысь Юристъёслэн ассоциацизылэн Удмурт ёзэныз кивалтӥсьлы Рашид Хуснутдиновлы. Ӵектэмын на вал эшшо одӥг мурт — Россиысь Ляб кылӥсьёслэн огазеяськонзылэн Удмурт ёзэныз кивалтӥсь Михаил Черемных. Но со пумит кариськиз.

Общественной палаталэн кивалтӥсезлэн воштӥсьёсыз луизы Удмуртиысь Торгово-промышленной палаталэн кивалтӥсез, экономикая азьвыл министр Михаил Зайцев но Ижысь Инвалид пиналъёслэн но соослэн анай-атайёссылэн, опекунъёслэн огазеяськонэнызы кивалтӥсь Александра Семёнова.

Тодады вайытом: Общественной палаталэн 5-тӥ ӧтчамаз пыриз 48 ёзчи. Со пӧлысь 16-сэ дэмлаз Удмуртилэн Тӧроез, 16-сэ ӵектӥзы Кун Кенешысь депутатъёс, нош та 32 мурт ӵектӥзы ини эшшо 16-сэ — калык огазеяськонъёсын дэмламъёс пӧлысь.

Вакчияк

Рашид Марсович Хуснутдинов вордскиз 1980-тӥ арын Ижын, дышетскемез вылӥ юридической.

1999-тӥ — 2015-тӥ аръёсы ужаз пӧртэм предприятиосын, организациосын юристконсульт, валтӥсь юристконсульт, юридической ёзэн кивалтӥсь, директор луыса.

2015-тӥ арысен выжиз дышетонэн, наукаен, исследованиосын герӟаськем уже. Уката тросэз научной ужъёсыз сӥземын экономика удысын уголовной ужъёсты эскеронлы.

2015-тӥ арын быръемын Удмуртиысь Общественной палатае.

Кузпалыныз 3 пинал будэто.

Элина Кумачёва

Удмурт Дунне
By Удмурт Дунне Январь 25, 2019 15:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<