Сюлмыныз шӧдӥсь — суредаськонэн улӥсь

Ангелина Снигирева
By Ангелина Снигирева Январь 29, 2019 15:40

Санкт-Петербург ас бордаз творческой адямиосты кыске. Озьы ик луиз Ижкарысь 23 аресъем Лилия Хегаен.

Л. Хегайлэн суредъёсыз

Екатеринбургысь Архитектурно-художественной университетэз быдтыса, Лилия Питере улыны кошкиз. Со усто художник-иллюстратор, дизайн-студиосын кусып возе но пӧртэм ужрадъёслы афишаос суредалля.

6 аресъем нылашез анаез нуэм художественной школае, собере Лилия дышетскиз художественной лицейын, собере ини академиын.

— Сомында ар суредаськыса, — шуэ Лилия, — кутскиськод валаны, сюлэм сотэк уг быгаты шуыса, мукет удысын астэ уд ни адӟиськы. 6 аресын тодыны уг луы ай, кулэ-а со тыныд, ӧвӧл-а, нош собере валаськод, аслыд но, котырысьтыд адямиослы но ужамед кельше шуыса. Золгес тыршыны кутскиськод.

Кӧня ке ар талэсь азьло Лилия графической планшетэн суредаськыны кутскиз, соин, пе, капчигес суред пӧрмытыны. Возьдаськонзэ вормыса, Лиля аслэсьтыз «меня занесло» пабликсэ кылдытӥз но табере адямиосты аслаз суредъёсыныз шумпоттэ. Ӵемгес пичи комиксъёс, портретъёс кылдытъя. Солэн мылкыдыз бурдъяське, подписчикъёсызлэсь фидбэк (суредъёсыз пумысен мылкыдзэс) басьтэ ке.

Сюжетъёсыз солэн огшоры улонысь басьтэмын. Художниклы тунсыко потэ суредъёсыз пыр аслаз улонэз сярысь вераны.

— Улон — со самой бадӟым дарт. Адямиос, кырӟан, кино, тон ачид — ваньмыз косо кадь карандашез кие кутыны. Улӥськод, улӥськод, пушкад малпанъёс люкасько но, тӧдьы бумага вылэ ваньзэ сое кисьтӥськод. Умой суредъёс мӧзмыт мылкыд дыръя пӧрмо. Шумпотыку весь кытчы ке но дыртоно, уг луы гань-гань пукыны. Мон малпамъя, уг яра ыштыны астэ. Яратоно, сяська кадь пушъёно! Аслад ужед уг кельшы ке но, киез лэзёно ӧвӧл, турттоно но быгатоно! Мон озьы улӥсько.

Мария Дмитриева

Ангелина Снигирева
By Ангелина Снигирева Январь 29, 2019 15:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<