Пыдын вуись ивор

Ангелина Снигирева
By Ангелина Снигирева Январь 31, 2019 16:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Алнаш ёросысь Писэйгуртысь Светлана Кузьмина почтаын ужа ай 2 ар гинэ. Огшоры дэмлазы но, кутски, пе, вал. Но ужзэ сокем яратӥз: газетэз котьку дыраз вуттэ, секыт сумкаез вылэ уг ӝожтӥськы. «Удмурт дунне» газетлы но татын, ортчем арен ӵошатыса, тросгес калык гожтӥськиз.

С. Кузьмина

Соин ик Светлана Кузьмина та нуналъёсы пусъемын вал «Удмурт дунне» газетлэн Таукаронэныз но пичияк коньдон премиен.

Светлана Семёновна почтае ужаны шӧдтэк шорысь вуэм. Азьвыл нимаз адями дорын ужам, пыжиськем. Но, тазалыкез лябӟемен, ужысьтыз кошконо луэм. Та муген ик 4 ар ӵоже дораз пукем. Нош огпол егит кышномуртлы дэмлаллям почтаын ужаны, кутскод, пе, пичиен-пичиен.

— Та уже сокем яра, висёнэ но пумен кошкиз, котькуд нунал калыкен адӟиськисько, вераськисько, сюлэм каньыл луэ. Нуналлы быдэ пыдын ветлӥсько, мон Писэйгуртлэн пумаз улӥсько, нош почтамы Сырьезь гуртын. Тӥни озьы уж дорозям 4 километр пыдын мынӥсько, та сюресэз 20-25 минут куспын ортчисько, собере газет-журналъёсты люкылыса ветлӥсько на. Ог 15 километр луэ, дыр. Ӝог ветлыны юрттэ спортэн, капчи атлетикаен азьвыл вырылэме но.

Светлана Семёновналэн 3 пиналыз. Пиез Удмурт кун университетын дышетске, шоретӥез но покчиез школае ветло ай. Газет нуллыны, пе, туж юрттэ 16 аресъем Софьяез.

Со сяна, почтаын ужаны кутскемез бере Светлана Кузьмина машина нуллыны дышетскем на, кылем арын право басьтэм.

— Куддыръя, пенсия люкылыны мынӥсько но, сьӧр гуртын берозь ӝегано луэ, я куазь жобаське, — шуэ кышномурт. — Картэ котьку вала монэ, келя-вае вал. Но табере ачим, машинае пуксьыса, кошкисько ни. Озьы ке но газетэз пыдын ик ветлыса люкылӥсько, ветлон, омырен шокан — со тазалык ук. «Удмурт дунне» газетэз гуртоос ярато. Милям та газетлы пересьёс гинэ ӧвӧл, егит семьяос но, фермаын ужасьёс но гожтӥсько. Куд-огез, капка азязы потыса ик, газет ваемез возьмаса сыло…

Елена Миннигараева

Туспуктӥз М. Егоров

Ангелина Снигирева
By Ангелина Снигирева Январь 31, 2019 16:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<