Нӧдэз ворме асфальт

Ангелина Снигирева
By Ангелина Снигирева Январь 14, 2019 16:23

Транспортъя но сюрес хозяйствоя министерство кылем арын ужамезлы йылпумъянъёс лэсьтӥз. Ужрадэ пыриськиз Правительстволэн Тӧроез Ярослав Семёнов.

Дунъясьёс — огшоры калык

— 2018-тӥ арез элькунмылэн Тӧроез сюресъёслэн аренызы ялӥз вал, бадӟым ужпумъёс пуктӥз, — шуиз Я. Семёнов. — Ужпумез быдэстӥмы, секыт ке но вал. Россиысь 38 агломерациос пӧлын 2018-тӥ арын асьмеос нырысетӥ интые потӥмы, нош 2017-тӥ арын 28-тӥ интыын вал. Табере улӥе усьыны уг яра.
Таӵе азинсконъёс басьтыны луиз кивалтӥсьёс, сюрес лэсьтӥсьёс, общественной огазеяськонъёс огкылысь ужамен.
Правительстволэн Тӧроез ваньмызлы тау кариз, азьланяз но дэмен ужаны луоз шуыса оскемзэ шараяз. Шаерамы туэ нырысьсэ сюресъёсты кивалтӥсьёс гинэ ӧвӧл, огшоры калык, общественной огазеяськонъёслэн азьветлӥсьёссы эскеризы.
Я. Семёнов нимысьтыз пусйиз «62 сюресъёс» программаез. 2015-тӥ арын Россиысь МЧС-лэн Удмуртиысь управлениез Транспортъя но сюрес хозяйствоя министерствое 87 гуртъёсын список сётӥз. Отчы шедизы, куазь сӧриськыку, пырыны луонтэм сюресъёс. Транспортъя но сюрес хозяйствоя министр Алексей Горбачёв верамъя, эскеронъёс бере списокысь гуртъёслэн лыдзы 62-озь кулэсмиз. Соин проектлы «62 сюресъёс» ним сётӥзы.

Та проектэз быдэстонлы элькун бюджетысь висъяськиз 630 миллион манет, сомында ик вуиз федерал бюджетысь, — вераз Ярослав Владимирович. — 62 гуртъёсын ог 15 сюрс адями улэ. 2018-тӥ арын та проект бордын бадӟым уж нуиськиз, азьланьтэмын со луоз туэ но. Вераны кулэ: туннэ нуналлы список будӥз, али отчы пыртэмын ни 80-лэсь уно гуртъёс.
Туэ нырысьсэ сюресъёсты тупатонэн герӟаськем бадӟым проект улонэ пыӵаз Глазовын.

«Росатом» корпорациен ӵош ми быгатӥмы городысь данаксэ сюресъёсты тупатъяны. Ар ӵоже Глазовысь урамъёсыз выльдонлы висъяськись коньдон «Росатомлы» луыса 11 поллы будӥз — со туж шумпотымон, — ивортӥз транспортъя но сюрес хозяйствоя министр Алексей Горбачёв. — Озьы ик пусйыны кулэ: сюресъёслэн ӟечлыксылы азьвыл гарантия 4 ар сётӥське ке вал, Глазовысь сюресъёслы гарантия нырысьсэ 7 ар сётӥськиз.
Мар шумпоттытэ, мар сюлмаськытэ?
Мар вылез кылдӥз на шаерамы министерство сюлмаськемъя?

— Аэропортамы табере лобало 2 авиакомпаниос: «Аэрофлот» но «Ижавиа», — шуиз А. Горбачёв. — Со сяна, ар пумын Ижысен Москваозь ветлыны кутскиз 2 этажъем поезд. Огшоры поездъёсын ӵошатыса, таиз ӝоггес ветлэ — часаз 160 иськемозь. Соин ӵош 2 этажъем поездэ билет, огшоры купеен ӵошатыса, 20-25 процентлы дунтэмгес усёз.
Но вормонъёсын валче, Я. Семёнов верамъя, кылё сюлмаськонъёс но.

— Ми азьланяз но нюръяськыны кулэ пассажиръёсты лицензитэк нуись-вайись огазеяськонъёсын, — шуиз Ярослав Владимирович. — Огласянь, соос калыклы ужан интыос кылдыто. Но, мукет ласянь, соос ӵемысь сюрес вылын кышкытлык кылдыто, уго вань куронъёсты уг быдэсъяло. Со сяна, нокинлы нокыӵе льгота уг сёто. Бюджетмы ыштэ уно миллион манет, уго соос выт уг тыро.
Озьы ик Правительстволэн Тӧроез министерствоын ужасьёслы дэмлаз муниципал кылдытэтъёсын дышетон — валэктон уж нуыны.

— Элькунмы федерал бюджетысь сюресъёсты тупатонлы бадӟым уксё басьтэ, — шуиз Я. Семёнов. — Но муниципал кылдытэтъёс уггес валало, кызьы соосты кутыны яра но кызьы уг. Ёросъёсын ӧвӧл специалистъёс, кудъёсыз быгато сюрес ужъёсты быдэстон сярысь рос-прос документъёс дасяны. Сыӵе дыръя асьмеос соослы юрттыны кулэ. Коньдон висъяськом ке, со понна кыл кутӥськом. 

Елена Рябина

Туспуктэм басьтэмын mindortrans.su сайтысь

Ангелина Снигирева
By Ангелина Снигирева Январь 14, 2019 16:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<