Куара сётыны кылиз одӥг арня

Ангелина Снигирева
By Ангелина Снигирева 23 января, 2019 16:23

Конкурсмылэн куара сётон люкетэз ӝоген йылаз-пумаз вуоз ни – одӥг арня гинэ кылиз на.

Туэ вожвылъяськонмылэн дур басьтон люкетэз шаплы ортче Интернетын. Но адӟем карымон адямиос понна кинюртэмъёсын кӧня ке списокъёс но редакцие вуыло. Тодады вайытӥськом, вожвылъяськон таяз рад ортче 2 номинацияя («Устоез кивалтӥсь» номинацие одӥг мурт гинэ ӵектэмын вал, соин валче та ӧръя куара сётон ялэмын ӧй вал). 23-тӥ январьлы таӵе лыдпусъёс сётыны быгатӥськомы ни (лыдэ басьтэмын гожтэтъёсын но Интернетын, вотэсбамъёсын сётэм куараос):
«Выжыоссэ утись» номинация:
Любовь Долгова — Грак ёросысь Вылӥ Эгра школаысь дышетӥсь — 1751 куара;
Владимир Ботников — Пичи Пурга ёросысь ботё выжыез утись — 1880 куара;
Надежда Бочкарёва — Кияса ёросысь Вуж Салья школаысь дышетӥсь — 1808 куара.
«Ӟеч сюлэм» номинация: Ангелина Урасинова — Балезино ёросысь Юнды гуртысь бесерман калык культураез утись — 1171 куара;
Николай Соколов — Пичи Пурга ёросысь Баграш-Бигра гуртысь музей лэсьтӥсь — 1297 куара;
Валентина Осипова — Кияса ёросысь Вуж Салья школаысь дышетӥсь — 774 куара;
Надежда Печникова — Кияса ёросысь Уддяди гуртысь хореограф — 947 куара.
Конкурсэ пыриськись адями понна дурбасьтыны луэ пӧртэм амалъёсъя: кельшымон мурт понна дурбасьтӥсьёслэн кинюртэмъёсынызы списокез udmdunne@yandex.ru электрон почтае яке (3412) 73-33-42 факс пыр келялэ. Озьы ик луэ ыстыны гожтэтэн «Удмурт дунне» газетлэн редакцияз: 426008, Ижкар, К. Маркс урам, 274-тӥ юрт. Куара сётон усьтэмын «Удмурт дуннелэн» сайтаз, «ВКонтакте», «Одноклассники» вотэс бамъёсаз. Списокъёсысь но вотэс бамъёсысь куараос огазеямын луозы. Дур басьтон гожтэтъёстэс витиськом 1-тӥ февралёзь. Вотэс бамъёсын куара сётон ворсаськоз 31-тӥ январе уйшорын. Бӧрысь газетын яломы вожвылъяськонлэсь йылпумъянъёссэ. Конкурслэн ортчемез сярысь юалляськыны луоз (3412) 73-33-42, 8-951-195-37-65 телефон номеръёсъя.

УД

Ангелина Снигирева
By Ангелина Снигирева 23 января, 2019 16:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<