Килиос верало

Ангелина Снигирева
By Ангелина Снигирева Январь 14, 2019 09:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

14-тӥ-20-тӥ толшор

Така.

Арняды дыго-мого кутскоз: пӧртэм сюлмаськонъёс, уно басьяськонъёс, семья кусыпъёсын валамтэос но мукет. Уж борды басьтӥськемдылэсь азьло сое ваньзэ лад-лад радъялэ. Арня пумын ваньмыз интыяз пуксёз. Супыльтӥсьёс шедёзы, вань верам кылъёссылы эн оске.

Ош.

Улонады кузёяськоз уж, семья ужпумъёстэс бӧрысьлы кельтоно луоз. Арня кутсконысен ик мытэм ужъёсты, бадӟым проектъёсты улонын капчиен быдэсмозы. Шутэтскон нуналъёстэс дорады ортчытэ. Кемалась малпаськоды ни вал коркаяды ремонт ортчытыны — ӵапак дырыз со борды басьтӥськыны.

Кыктоос.

Ялан кинлэсь ке верамзэ кылзӥськоды, кин ке сьӧры ва-мыштӥськоды, дыр вуэмын асьтэ улондэс асьтэлы радъяны. Мултэс коньдонды «бичатэ» ке, сое пунэмен сётыны но счёт усьтыны эн дыртэ — матысь адямиостылы юрттӥды ке, ӟеч ужды ӟечен берытскоз.

Кисло-кусло.

Ужады бадӟым азинсконъёс витё, тужгес удалтоз среда нуналэ, нош четверге сакгес кариськоно. Лушкем малпанъёстэс шара вераны эн дыртэ, интыысьтыды вырӟытозь, эшъёсты сое быдэстыса вуозы. Командировкае потыса, трос тодмоостэс пумиталоды, ӟеч иворъёс кылоды.

Лев.

Сюлмаськонъёсты тачак люкаськемын, эшъёсты понна но ужано луоз. Но ваньзэ куштыса, мукет уж утчаны эн дыртэ, кӧня ке арня ортчиз ке, ваньмыз радъяськоз. Дуно бумагаосын ужакуды, сакгес кариське. Шутэтскон нуналъёстэс тазалыктэс юнматонлы сӥзе.

Нылмурт.

Арняды узыр луоз ӟеч но урод иворъёсын. Супыль-тӥсьёслэсь верамъёссэс пель сьӧртӥды лэзе. Кыкез пӧ-лысь одӥгзэ быръёно луоз: яратон яке коньдон. Калык азьын чакласькыса вераськиды ке, сюлмаськонъёсты но тымиськем ужъёсты ас эрказы радъяськозы.

Весъёс.

Та арняды ӟеч иворъёсын тырмоз. Вӧзысьтыды эшъёстэс кылзыны быгатэмдылы родняосты но паймо. Ужады вылӥегес ӝутскыны луонлык сётозы, кулэ адямиосты куноятыны эн вунэтэ. Арня кутсконын бадӟым арбери басьтоды, нош арня пумын палэнысь коньдон вуоз.

Скорпион.

Ужъёсты дурыныз пӧзё, пӧртэм сюлмаськонъёс йырдэс поромыто, тымиськем ужъёстылэсь пегӟемды потоз. Лекъяськыны эн дыртэ, мылкыддэс гинэ урод кароды. Шыпытын огнады малпаське, книга лыдӟе, компьютер сьӧрын ӧжытгес пуке. Арня пумын кыдёкысь ӟеч ивор басьтоды.

Ыбылӥськись.

Азьвыл ӟеч лэсьтэм ужъёсты понна тау карисьёс шедёзы. Дорады но, ужады но янгышъёслэсь утиськыны тырше. Со понна верам кылдэс, документъёсты сак эскере. Уксёдэс чакласькыса кутэ, пунэмен эн сётэ, угось арня пумын семьяды бадӟым коньдонлы кулэяськоз.

Сюро кеч.

Та нуналъёсы ӝог малпаськыны но ваньзэ чаляк лэсьтыны кулэ луоды. Кылем арняе мытэм но аналтэм ужъёстэс быдэстэ. Огдыре дас уж борды эн басьтӥське. Валамтэ югдурез асьтэос сэрттыны-пертчыны эн тырше, вазиське специалистъёслы. Арня шорын кема витем иворез кылоды.

Ву кисьтась.

Таяз арняе трос пумиськонъёс витё. Куд-огез мылкыддэс ӝу-тозы, куд-огез вождэс поттозы. Небытгес луыны тырше, соку котырысьтыды адямиос но лякытэсьгес луозы. Шутэтскон нуналъёсы тунсыко адямиен тодматскоды, азьвыл тодмоосты но асьсэ сярысь тодазы вайытозы.

Чорыгъёс.

Кылдэм шуг-секытысь потыны азьвыл амалъёсты уз юрттэ ни, утчалэ выль сюресъёс. Тодон-валандэс будэтэмды асьтэлы ик кельшоз. Малпамтэ шорысь вуж туганды куное лыктоз, улляны эн дыртэ, со ӟеч иворъёсын вуэмын. Укыр дыртӥськоды, ӝӧк сьӧрын ке но уж сярысь эн вераське.

УД

Ангелина Снигирева
By Ангелина Снигирева Январь 14, 2019 09:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<