Зымонлэсь азьло эскеры тазалыктэ

Ангелина Снигирева
By Ангелина Снигирева Январь 17, 2019 10:50

19-тӥ январе — Йӧвылэсултон. Та нуналэ тросэз адямиос сьӧлыкъёссэс гылто, люкмесэ зымылыса. Азьвыл аръёсы сямен ик, пыласькон дорысь югдурез чаклалозы спасательёс но эмчиос.

Россиысь МЧС-лэн Удмурт Республикая Валтӥсь управлениысьтыз пресс-служба ивортэмъя, Йӧвылэсултон нуналэ вуэ пырисьёслэн лыдзы 23 сюрс пала люкаськоз. Соос понна вань городъёсын но 23 ёросъёсын юри чаклам люкмесъёс кылдытэмын, ваньмыз-ӧвӧлэз 63 инты (соос сярысь тододы спасательёслэн сайтазы 18.mchs.gov.ru). Вуэ пырон интыос, спасательёслэсь куронъёссэс лыдэ басьтыса, лэсьтэмын, отын луыны кулэ пу пагӟаосыз но кутӥськонъёсыз. Куд-ог шуръёсын бадӟым шатёръёс пукто, отын кылиськыны-дӥсяськыны, шунтӥськыны луэ.
Арлы быдэ трос калык люкаське Ижысь, Воткаысь но Можгаысь ӵыпетъёсы, Сарапулысь Кам шур дурысь «Южный» порт доры, Дэри ёросысь «Лудорвай» музей-заповеднике. Туэ но отын калыкез витё ни. Уйпал ёросъёсын улӥсьёс та нуналэ Чупчи шурын пыласько. Глазовысь пляжын 600 пала адямиез витё. Огнын вуэ пырыны уг яра.
Люкмесъёс дорын спасательёс сяна, медикъёс но дежурить карозы. Берло дыре эмъясьёслы трос юанъёс сётъяло, вуэ пыронлэн пайдаез вань-а шуыса. Эмъясьёс ало: вуэ огпол зымылыса гинэ, тазалык уз юнма, со понна нимысьтыз дасяськоно. Вуэ пыронлэсь возиськыны кулэ висись но ляб адямиос, нылпи вайыны дасяськисьёс, покчи пиналъёс. Сюлэм но сэр висёнъёсъя элькун больницаысь врач-кардиолог Светлана Шабардина вуэ пырыны мылкыд карисьёслы тазалыксэс эскерыны ӵектэ.

Та юанъёслы валэктон сётэ. Озьы ик тодмо луоз, Йӧвылэсултон нуналэ тӥледлы яра-а люкмесэ пырыны.

Баллъёстэс лыдъялэ:

0 балл — кышкытлыкез ӧвӧл,

1-3 балл — чакласьконо,

3-6 балл — кезьыт ву тазалыктылы изъян ваёз.

Валентина Емельянова

Фото: архив УД

Ангелина Снигирева
By Ангелина Снигирева Январь 17, 2019 10:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<