Жаг кулэсмоз, тэльёс паськыталозы

Ангелина Снигирева
By Ангелина Снигирева Январь 11, 2019 10:57

Инкуазез утёнъя но инкуазь узырлыкъя министерство кылем арын ужамезлы йылпумъянъёс лэсьтӥз, вуоноезлы ужпумъёс пуктӥз. Ужрад ортчиз Удмурт Правительстволэн Тӧроез Ярослав Семёнов кивалтэм улсын.

Уломы чылкытгес
Кылем арын бадӟым саклык висъямын жаг поттонэз радъянлы. Угось туэ 1-тӥ толшорысен ужаны кутскиз улос оператор. Табере со кыл кутэ жагез поттон, полигонэ вуттон но солэсь выль вуз лэсьтон понна. Туэысен люкам силёез утялтон понна нимаз дун тыроно луоз, вулы, шунытлы сямен ик. Трос квартираем юртъёсын улӥсь адями 98 манет 48 копейка, нимаз коркан улӥсь — 95 манет 20 копейка тыроно луозы. Со дун юнматэмын котькуд прописать карем муртлы быдэ. Ёросъёсын жагез поттон понна нимаз предприятие кыл кутоз. Вань семьяос та ужез радъян понна со предприятиен огкыл гожтыны кулэ. Котькуд ёросын но гуртын жагез поттон нуналъёс юнматэмын, соосты тодыны луоз ёрослэн сайтысьтыз яке http://регоператорудмуртии.рф/#rec81416874 ссылкая.
Отходъёсты утялтон понна нырысетӥ расчёткаос вуозы ни феврале. Люкаськем жуг-жагды поттытэк кельтэмын ке, яке та ласянь кыӵе ке юанъёс кылдӥзы ке, усьтэмын «пӧсь» телефон — 8-800-234-89-86. Отчы дунтэк вазиськыны луэ.
Кызьы пусйиз инкуазез утёнъя но инкуазь узырлыкъя министр Денис Удалов, кылем арын радъямын вал лэзьымтэ интыосын люкаськем жаг гурезьёсын нюръяськон. 2018-тӥ арлэн кутсконаз 412 гектарлэсь бадӟым 566 жаг гурезь пусъемын вал. Муниципал кылдытэтъёслэн но «Калык фронт» огазеяськонлэн тыршеменызы 85 кырсь инты утялтэмын. Кӧня ке ар ӵоже бадӟым утялтӥськон уж нуиськиз Сарапул сюрес кузя кылдытэм полигонын. Кылем арын жаг куям инты, инкуазез сӧрисьтэм туала технологиосты кутыса, быдэсак утялтэмын вал.
Инкуазез чылкыт возён борды кыстӥськиз огшоры калык но. Кылем арын нырысьсэ радъяськизы «Чылкыт шудонъёс». Вань мылкыд карисьёс инкуазез утялтыны потазы, пӧлазы трос егитъёс вал. Угось утялтӥськон аспӧртэм вожвылъяськон выллем ортчиз.

Нюлэсъёс — син азьын
Инкуазез утисьёс спасательёсын ӵош нюлэсъёсты тылпулэсь утён, бадӟым ву потонлэсь утиськон понна бадӟым уж быдэсъяло. Валля аръёсы Балезино ёросысь адямиос, шурзы ӧрысьтыз потыса, шуге-леке вуизы вал. Соин валче Инкуазез утёнъя но инкуазь узырлыкъя министерство Балезино ёросысь Варсем шурлэсь ӧрысьтыз потон интыоссэ эскериз, вулэсь утиськыны дэмланъёссэ дасяз. Озьы ик 2018-тӥ арын министерство шоркаретӥ бызись Ӧӵ но Вавож ёросысь Ува шуръёслэсь ӧръёссэс чылкытатон понна проектъёс гожтӥз, соослы «Экология» нацпроект улсын коньдон висъямын. Чылкытатон борды туэ басьтӥськозы, соос 2021-тӥ арозь мынозы.
Бадӟым уж нуиське шаермылэсь вож зарнизэ — нюлэсъёсты — утён понна но. Туэ тэльёсты паськытатыны 40 миллион манет сётэмын, та коньдонэн, кылем арын сярысь, 2 поллы уногес писпу мерттэмын луоз. Зол уж радъяське тылпулэсь утиськон понна но. Гужем нюлэсъёс уен-нуналэн эскерисько. МЧС-лэн Удмуртиысь управлениеныз кивалтӥсь Пётр Фомин верамъя, горд атас потыны быгатэ утялтытэк, гырытэк-кизьытэк кыллись бусыос вылын но. Али ог 300 пала гуртъёсын тылпу потонлы кышкытлык кылдэмын, пе. Соосты нырысь ик син азьын возьыны куриз кивалтӥсь.

Урттылӥське — тупатозы

Туэ котькуд ёросын жагез поттонъя нимысьтыз предприятие юнматэмын. Жуг-жагез утялтон пумысен юанъёсты кылдӥзы ке, со дырыз дыръя нуэмын ӧвӧл ке, со сярысь предприятилы меӵак ивортыны быгатӥськоды.

Ангелина Снигирёва

Туспуктӥз Максим Егоров


Ангелина Снигирева
By Ангелина Снигирева Январь 11, 2019 10:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<