«Гурт адями-2018» конкурслэн куара сётон люкетэз кутскиз

Ангелина Снигирева
By Ангелина Снигирева Январь 14, 2019 10:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гажано лыдӟисьёс, «Гурт адями-2018» конкурслэсь дэмлан люкетсэ йылпумъяськом. Табере ялӥськомы вожвылъяськонлэсь 2-тӥ люкетсэ — куара сётон.

Жаль, туэ, кылем аръёсын ӵошатыса, конкурсэ дэмлам муртъёс туж ӧжыт — 8 мурт гинэ. Одӥг гинэ ӵектон вуиз «Устоез кивалтӥсь» номинацие — сьӧлтаос черкогуртысьтызы ужбергатӥсь Владимир Гребин сярысь гожтӥзы. Мукет ӵектонъёс ӧй вал бере, та номинациын куара сётон уз ортчы.

Вожвылъяськон ортчоз кык номинацияя. Дурбасьтыны быгатӥськоды таӵе муртъёс понна:

«Выжыоссэ утись» номинацияя — Любовь Долгова — Грак ёросысь Вылӥ Эгра школаысь дышетӥсь;

Владимир Ботников — Пичи Пурга ёросысь Баграш-Бигра гуртысь ботё выжыез утись но азинтӥсь;

Надежда Бочкарёва — Кияса ёросысь Вуж Салья школаысь дышетӥсь.

Гурт адями-2018. «Выжыоссэ утись» номинация.

Учконо кӧня куара сётэмын

«Ӟеч сюлэм» номинацияя — Ангелина Урасинова — Балезино ёросысь Юнды гуртысь бесерман калык культураез утись;

Николай Соколов — Пичи Пурга ёросысь Баграш-Бигра гуртысь музей лэсьтӥсь;

Валентина Осипова — Кияса ёросысь Вуж Салья школаысь дышетӥсь (вожвылъяськонэ ӵектэмын вал кылем арын);

Надежда Печникова — Кияса ёросысь Уддяди гуртысь хореограф.

Гурт адями-2018. «Ӟеч сюлэм» номинация.

Учконо кӧня куара сётэмын

Конкурсэ пыриськись адями понна дурбасьтыны луэ пӧртэм амалъёсъя: кельшымон мурт понна дурбасьтӥсьёслэн кинюртэмъёсынызы списокез udmdunne@yandex.ru электрон почтае яке (3412) 73-33-42 факс пыр келяны быгатӥськоды, озьы ик гожтэтэн ыстыны «Удмурт дунне» газетлэн редакцияз: 426008, Ижкар, К. Маркс урам, 274-тӥ юрт.

Та сяна, матысь дыре куара сётон усьтэмын луоз «Удмурт дуннелэн» сайтаз, «ВКонтакте», Facebook, «Одноклассники» вотэс бамъёсаз. Списокъёсысь но вотэс бамъёсысь куараос огазеямын луозы. Дурбасьтон кыстӥськоз 1-тӥ февралёзь. Бӧрысь газетын яломы вожвылъяськонлэсь йылпумъянъёссэ. Конкурслэн ортчемез сярысь юалляськыны луоз (3412) 73-33-42, 8-951-195-37-65 телефон номеръёсъя

Ангелина Снигирева
By Ангелина Снигирева Январь 14, 2019 10:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<