Выль выж — даурлы

Ангелина Снигирева
By Ангелина Снигирева 24 января, 2019 14:11

Балезино ёросэ шумпотон вуиз: 23-тӥ январе шур вамен кема возьмам выль выж усьтӥськиз.

Чупчи шур вамен выль выж

Чупчи шур Балезино ёросэз кыклы люке. Соин но 1960-тӥ аръёсы ӝутэм выж куашкан калэ вуыны кутскем бере гуртоос сюлмаськыны ӧдъязы: кызьы табере райцентре сюромы? Районлэн уйпалаз ог 12 сюрс адями улэ. Татысь гурт предприятиос понна пудо сиён дасян, йӧлзэс заводъёсы келян бадӟым йыр висёнлы пӧрмысал, шуэ ёрослэн йырыз Юрий Новойдарский. Выж вылтӥ сяна угось, Балезиное сюрыны Глазоветӥ котыръяськыса гинэ быгатод. Со сяна, выж Удмуртиез Кировен, Пермен герӟа. 
Выжез 2011-тӥ арын ик аварийной лыдъязы. Берло дыре, машинаос ортчыку, зол зуркалляз. 2017-тӥ арын гужем выль выж ӝутыны кутскизы. Сюрес воксё медаз ворсаськы шуыса, вӧзаз огдырлы выж лэсьтӥзы.

— Вужез выж 100 метръем вал ке, вылез кузьгес луиз. Пасьталаез но 7-ен 10 метрозь паськытаз, пыдын ветлыны тротуаръёс кыкнапалаз кылдӥзы, — выжез усьтыкуз, шуиз Правительстволэн Тӧроез Ярослав Семёнов. 
Транспортъя но сюрес хозяйствоя министр Алексей Горбачёв пусъемъя, выль выж 100 ар чидалоз. Сое лэсьтыны оглом 376,4 миллион манет висъяськиз. Тросэз коньдон вуиз «Платон» системая бичам уксё пӧлысь. Ярослав Семёнов верамъя, федерал бюджетысь коньдон кыскыны луоно азьланяз но. Эшшо 6 выжлы проект дась 600 миллион манетлы.
Сергино палась сюресэз но лэсьтысалзы на ке, шумпотонмылэн пумыз-йылыз ӧй луысал, шуо гуртоос. Толалтэ сопалтӥ машинаен ортчыны луэ, нош тулыс, сӥзьыл зор-котэн тракторен но уд поты. Алексей Горбачёв верамъя, Балезино-Сергино сюресэз туэ йылаз-пумаз вуттозы, со одно тупатоно объектъёс пӧлы пыре. Выж дорысен Сергино гуртозь ог 80 иськем. Татын ёросысь огез кужмоез хозяйство ужа. Выль улон вакытмы кутске, шуо гуртоос.

Елена Сараматова

Туспуктэм басьтэмын udmurt.ru сайтысь

Ангелина Снигирева
By Ангелина Снигирева 24 января, 2019 14:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<