Вуизы 12 автобусъёс

Ангелина Снигирева
By Ангелина Снигирева Январь 11, 2019 11:09

Выль ар азьын элькунысьтымы 12 школаос басьтӥзы туала куронъёслы тупась ӵыжак выль автобусъёс.

Шудоос пӧлын — Ува ёросысь Булай школа. Солэн кивалтӥсез Людмила Фирстова пырак озьы ик вераз: талэсь бадӟым кузьым луыны уг быгаты ни вал.
Булай школаын 2 автобуссы, пе. Но соос вазенгес басьтэмын ни бере, ӵемысь тӥяськыло, воштос ёзъёс басьтыны уксё трос кошке. Лулӟылӥзы: автобусэз тупатъяны кошкись уксёез мукет азе кутыны луысал ук… Но табере ганяк шокчизы.

— Милям 2 водительмы Андрей Мурашов но Николай Иванов — кыксы но туж оскымонэсь, школае лыктэмлэсь азьло но руль сьӧрын ужамын ни, — пусъе директор. — Соосын валамтэос ноку ӧз кылдылэ на. Оскисько, азьланьын озьы ик ужалом шуыса.
Выль автобуслэн руль сьӧраз пуксиз Андрей Мурашов. Зэм, пиналъёс соин ӧз ворттылэ на — лицензия басьтоно на. Талы, пе, ог 3 толэзь но кошкыны быгатоз, но чидалозы ни. Отчыозь Вамьялась но Пунемысь пиналъёсты вуженыз ик автобусэн вайылозы на.

— Вылез автобусмы азьлоезлэсь пичигес, соин ик 2 рейс кароно луоз ни, — пусйиз Людмила Фёдоровна. — Но пичи автобус но школалы туж кулэ луылэ. Угось ми ӵемысь потаськом Увае, Иже — ветлӥськом спорт ӵошатсконъёсы но трос мукет ужрадъёсы. Но куддыр 3-4 кузя гинэ луиськом — табере бадӟым автобусэз бушен солань-талань ум кыскалэ ни.
Школаын туннэ нуналлы 105 дышетскисез. Вамьялась но Пунемысь сяна, дышетскыны ветло на Парсьгуртысь, Булайпочинкаысь, Павловоысь. Директор жаляса вера, пиналъёслэн лыдзы арысь аре кулэсме, уж сюрытэк, егитъёс гуртъёсысь кошко. Соин ик пичи гуртъёсысь покчи школаос но берло дыре пытсамын вал. Озьыен, автобустэк гурт школа туала аре уз возиськы.
Дышетонъя но наукая министерство ивортэмъя, 2018-тӥ арын элькунамы Россилэн бюджетэз чотын оглом 25 машина вуиз. Нырысетӥ партиез лыктӥз вал тулыс. Соосты но озьы ик басьтӥзы элькунысьтымы пӧртэм ёросъёсысь школаос.

— Та вакытэ автобусъёс ваён сярысь эшшо 4 огкылъёс гожтэмын, — пусйиз Дышетонъя но наукая министерствоысь пиналъёсты школалэсь азьло, школаын визьноданъя но ватсаса тодон-валан сётонъя управлениен кивалтӥсь Елена Землякова. — Озьыен, автобусъёс эшшо но вуыны кулэ.

Элина Кумачёва 

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Январь 11, 2019 11:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<