Волейболэн шудыны — выль залэ

Ангелина Снигирева
By Ангелина Снигирева Январь 17, 2019 10:39

15-тӥ январе Ижысь Калашников проспектын мугорез кыдатонъя «Созвездие» центр усьтӥськиз. Усьтон ужрадэ пыриськиз Правительстволэн Тӧроез Ярослав Семёнов.

Выль спорт комплекс усьтэмын

Та юрт пуктэмын 2016-тӥ-2020-тӥ аръёслы чаклам «Россиысь физкультураез но спортэз азинтон» федерал программа чотын. Со 2 этажъем, быдӟалаез 1 сюрс 864 квадрат метр. Административной кабинетъёсыз сяна, вань мугор кыдатон залэз, раздевалкаосыз, душевоез но эмъясьёслы чаклам сэрегез. Бадӟым спортзалэз волейболэн, баскетболэн но гандболэн шудыны чакламын.

— Выль пуктэм спорткомплекс Калашниковлэн проспектаз интыяськемын. Дано конструкторлэсь туэ юбилейзэ ортчытыны чакламын, — шуиз Ярослав Семёнов. — Оскисько, выль усьтэм комплексын дано спортсменъёс будозы но шуозы: мугормес кыдатыны кутскимы вал Калашников проспектысь 13-тӥ юртын.
Та спорткомплекс луыны кулэ Ижысь волейболэз азинтон центр. Пусъёно на, та вакытэ вылӥ лигаысь «Б» подгруппае пырись командаос пӧлын волейболэн шудонъя Россилэн чемпионатаз пырисько Ижысь воргоронъёслэн «ИжГТУ-Динамо» но нылкышноослэн «Италмас-ИжГТУ» командаоссы. Со сяна, Россилэн сборнояз пӧртэм аръёсы шудӥзы спортъя мастеръёс Яна Вамзер, Екатерина Каралюс, Оксана Котельникова, Анна Лаптева, Светлана Шамшурина но мукетъёсыз.
Выль комплекслэсь ӟечлыксэ нырысь ик эскеризы кивалтӥсьёс. Та нуналэ Правительстволэн но город администрацилэн командаоссы волейболэн шудӥзы. Вормизы шаерысьтымы кивалтӥсьёс.
Удмуртиын туэ Тазалыклэн арез ортче. Соин ик шаерамы спортъя трос выль объектъёс усьтыны чакламын. Берло 5 арез лыдэ басьтоно ке, Ижын «Созвездилэсь азьло» ӧсъёссэс усьтӥзы «Молодёжный» йӧ дворец, «Торпедо» ФОК, «Аквамарин» бассейн. Озьы ик туэ чакламын на Ижысь 56 номеро гимназилы но 74 номеро школалы выль стадионъёс лэсьтыны. Соос та проект чотын ик пуктӥськозы. Кылсярысь, 56-тӥ гимназиысь стадион 20 миллион манет тыр луоз, со пӧлысь 11 миллион манетэз вуоз федерал бюджетысь, 1 миллион манетэз — город бюджетысь, кылемез — Удмуртилэн бюджетысьтыз. Выль стадион туала куронъёслы тупалоз, футболэн шудон бусыез сяна, бызьылон сюресъёсыз но луозы.

Валентина Емельянова

Туспуктэм басьтэмын udmurt.ru сайт

Ангелина Снигирева
By Ангелина Снигирева Январь 17, 2019 10:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<