А. Бречалов пумиськылӥз В. Путинэн

Ангелина Снигирева
By Ангелина Снигирева Январь 15, 2019 14:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кызьы Удмуртия кун азьын пунэмъёссэ кулэстэ, кызьы шаерамы улӥсьёс тазалыксэс юнмато — та но мукетыз сярысь кенешизы Россилэн Президентэз Владимир Путин но Удмуртилэн Тӧроез Александр Бречалов.

А. Бречалов В. Путинэн пумиськиз

Элькунмылэн азьветлӥсез Россилэн Президентэзлы пыр-поч вераз, мар лэсьтэмын шаерамы 2017-тӥ — 2018-тӥ аръёсы. Кылсярысь, со мадиз, бюджетэз валаса радъян-кутон сярысь.

— Удмуртие ужаны лыктыкум, 2017-тӥ арын 4-тӥ апрельлы, республикалэн пунэмъёсыз 49 миллиард манет пала вал, 2019-тӥ арын 1-тӥ январьлы 47 миллиард 23 миллион манет кылизы. Ог 2 миллиард манетлы кулэстыны быгатӥм.
Луиз банкъёсысь пунэмъёслэсь процентъёссэс 12-ысь 7,66-озь кулэстыны, озьы 1 миллион манет пала шыръяськиз. Со сяна, 144 кун предприятиосын эскеронъёс ортчытэмын, соосты ӟечгес ужатон понна ужрадъёс кутэмын — талы луыса 2018-тӥ арын казнае ватсаса 500 миллион манет пыртыны луиз, 2019-тӥ арын та лыдпус 5 миллиард манетозь вуыны кулэ ни.
Удмуртлэн Тӧроез нимысьтыз пусйиз: бюджетысь коньдонэз шыръяны юрттӥз закупкаосъя огъя центр кылдытон — кун учреждениосы вузъёс басьтыны ог 1 миллиард манетлы ӧжытгес кошкиз. 2019-тӥ арын 1-тӥ январьысен вань закупкаос та центр пыр лэсьтӥськыны кутскиз.

2018-тӥ ар сюресъёслы сӥземын вал, — ватсаз А. Бречалов. — «Кышкыт луисьтэм но ӟеч сюресъёс» программае пыриськемезъя элькунмы 3 устоосыз улосъёс пӧлы шедиз. Чакламлэсь 30 процентлы тросгес сюресъёсты тупатыны пӧрмытӥм, угось Уралысь ваем интые асьме щебенез кутӥмы, озьы 360 миллион манет шыръяны быгатӥм. Со уксёен ватсаса сюресъёсты тупатӥм.
2019-тӥ ар Удмуртиын тазалыкез утёнлы сӥземын. Чакламын уно ужрадъёс. Республикамы тазалыкез утёнэн герӟаськем 6 федерал проектъёсы пыриськоз — матысь 3 ар куспын 11 миллиард манет вуыны кулэ. Нимысьтыз саклык висъяськоз калыкез таза улонэн эшъяськытонлы. Пайдазы туж шӧдӥськиз ни «Онкодесант» акциослэн — лек пыктосъёсты соку-соку гинэ кырмиськыкузы шараян учыръёс 20 процентлы йылӥзы.
Кылпум потӥз на тодмо конструкторлы М. Калашниковлы вордскемез дырысен 100 ар тырмонэз пусъён пумысен. Ужрадъёс чакламын. Отчы мыло-кыдо пыриськыны чаклало эшшо 15-лэсь ятыр улосъёс. Кунгож сьӧрысь но куриськисьёс вань ини. А. Бречалов 10-тӥ ноябре Удмуртие ӧтиз Россилэсь Президентсэ В. Путинэз но.

Сергей Захаров

Туспуктэм басьтэмын www.udmurt.ru сайтысь

Ангелина Снигирева
By Ангелина Снигирева Январь 15, 2019 14:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<