Азинскыны дышетоз Удмуртия

Ангелина Снигирева
By Ангелина Снигирева 24 января, 2019 14:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн Тӧроез Александр Бречалов пумиськылӥз Россиысь гурт удысъя министрен Дмитрий Патрушевен. Шаерысьтымы гуртъёсты азинтон ужпумъёсты эскеризы.

А. Бречалов но Д. Патрушев

Берло дыре шаерамы гурт удыс чырмыт азинтӥське. Кылсярысь, пудо вордон удысын шӧдскымон вормонъёс басьтэмын. Удмуртия Россиысь трос йӧл кыскись 5 улосъёс пӧлы пыре.
Александр Бречалов Дмитрий Патрушевлы вазиськиз, Дэри ёросысь «Июльское» учхозэз Удмуртилэн ваньбураз выжтыны курыса. Та хозяйствоын Ижысь гурт удысъя академиын дышетскисьёс практиказэс ортчо, пӧртэм эскеронъёс ортчытъяса, тодон-валанзэс паськытато, но со федерал центрлэн лыдъяське. 5 ар талэсь азьло Россиысь Правительстволэн распоряжениезъя учхозлэсь вань акциоссэ асэстыны (приватизировать карыны) луэ вал, но шаерысьтымы кивалтӥсьёс соку ваньзэ азьло сямен ик кельтӥзы, озьы умойгес луоз шуыса. Александр Бречалов пусъемъя, туннэ Удмуртилэн луонлыкъёсыз вань «Июльское» учхозэз азинтыны, юнматыны, отын йӧл кыскыны но пудо вордыны дышетонъя центр усьтыны.
Дмитрий Патрушев гуртъёсты азинтонъя программалэн шаерамы быдэсъяськемез пумысен юалляськиз. Та пумысен, Удмуртия адӟем карымон луэ бере, Александр Бречалов гуртъёсты азинтонъя форум шаерамы ортчыны ӵектӥз. Отын улосъёс ог-огзылэн ужаменызы тодматскозы, кивалтонлэсь но ужбергатонлэсь кусыпъёссэс радъяны выль амалъёс утчалозы. Форум ортчытъянэз отӥяз сяме пыртыны луысал. Гурт удысъя министерство ӵектонэз умоен лыдъяз ке, форумез туэ ик радъяны луоз.
Гуртъёсты азинтонэз шаерамы эшшо но кужмоятыны луэ. Но со понна ватсаса коньдон кулэ. Соин ик та сярысь но пумиськон дыръя ужпум ӝутӥськиз. Егит специалистъёслэсь улон условиоссэс умоятон понна 437 миллион манет кулэ. Программая висъямын 138 миллион манет — та 390 семьялы корка пуктыны тырмымон. Нош черодын эшшо 457 семья, соослы корка пырон ортчытон понна ватсаса 300 миллион манет кулэ. Но гуртын корка пуктонэн гинэ ужпум уг быры — уксё кулэ газ, ву кыскыны, соцобъектъёс ӝутыны. Эшшо ке гуртоослэн потэ шутэтскон интыос лэсьтэмзы, синпелетъёссэс выльдэмзы, мукет проектъёссы но кисьмало. Федерал бюджетысь уксё висъяськиз ке, Удмуртия но дась коньдон чакланы.
Нимысьтыз кенешизы «Мон – фермер» проект пумысен. Фермер луыны мылкыд карисьёсты нимысьтыз конкурс амалэн быръёзы, ӟеч проект гожтэм муртъёсты ужзэс радъяны дышетозы. Удмуртиын та ласянь уж мытэмын ни.

Сергей Захаров

Фото: http://udmapk.ru

Ангелина Снигирева
By Ангелина Снигирева 24 января, 2019 14:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<