Удмурт кыллэсь нуналзэ пусъёнэз мытӥзы Будапештысь Э. Лоранд нимо университетын дышетскисьёс.

Елена Никитина
By Елена Никитина Ноябрь 27, 2018 12:58

Удмурт кыллэсь нуналзэ пусъёнэз мытӥзы Будапештысь Э. Лоранд нимо университетын дышетскисьёс.

Отын ужрадъёс ортчо ни та арня кутсконысен ик.

Соосты мыло-кыдо радъязта университетысь философия наукаосъя доктор, удмурт кылэз дышетэм но сое вӧлмытонлы-утёнлы вань сюлэмзэ сётӥсь тодосчи Жужа Шаланки. Озьыен, Бернат Мункачилэн мытэм ужез паськыт азинтӥське — ӵапак угось та мадьяр югдытӥсь дуннелы усьтӥз удмуртъёсты, удмурт кылэз.

Жужа Шаланки пусъемъя, шуркынмон толэзь Венгриын туж узыр ужрадъёсын. Венгеръёс но та толэзе ик, 13-тӥ числое, пусъё венгер кыллэсь нуналзэ. Та нуналэ 1844-тӥ арын венгер кыл кункылъёс радэ пыртэмын вал. Таизъя асьмеос, удмуртъёс, табере мадьяръёсын тупаськомы. Со сяна, та толэзь Венгриын наукалы сӥземын. Быдэс толэзь ӵоже пӧртэм ёзъёсын мадьяр кылэн, лулчеберетэн, историен но уно пӧртэм удысъёсын герӟаськем ужрадъёс ортчо. Соосын оградын Будапештын паськыт пусйизы удмурт кыллэсь нуналзэ но.

— Университетамы кема аръёс ӵоже ужзэ радъя ни фин-угор кафедра. Кызьы удмурт кыллэсь нуналзэ пусйытэк? — шуэ Ж. Шаланки. — Сое мытӥмы удмурт кылъя мастер-класс бордысен. Дорамы угось куное вуэмын Удмурт кун университетысь Удмурт кылтодонъя, финно-угроведениея но журналистикая институтысь тодосчиос Наталья Кондратьева но Дмитрий Ефремов.Удмурт кылэз дышетӥсь яке дышетыны мылкыд карись егитъёс соослы удмурт кыл сярысь юанъёсынызы вазиськизы.

Тужгес но тунсыкъяськытӥз удмурт кыллэн грамматикаез, кылсярысь, падежъёс, дырлэн формаосыз но удмурт кылын отрицанилэн кутӥськемез. Ужрад тунсыко но капчи мылкыдын ортчиз.

Елена Никитина
By Елена Никитина Ноябрь 27, 2018 12:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<