Парзиысь скал кыскисьёс — Данъян пул вылын

Ангелина Снигирева
By Ангелина Снигирева Ноябрь 2, 2018 11:20
Парзиысь скал кыскисьёс

Шаерысьтымы Данъян пул вылэ пыртэмын 12 коллективъёс. Одӥгез — Глазов ёросысь Парзи фермаысь скал кыскисьёс.

— Фермаын ужасьёс ог 50 кузя люкасько, 16-ез — скал кыскисьёс, — шуэ фермаен кивалтӥсь Наталья Салтыкова. — Ог 3 ар талэсь азьло милям кузёмы воштӥськиз. Али «Парзинский» хозяйствоенымы Анвар Рахманкулов кивалтэ, юн зарни адями, гурт калык гажа сое. Фермаын ужасьёслэсь но мылкыдзэс ӝутыны быгатэ. Дыраз уждун басьтӥськомы, быгатэммыя шутэтскон нуналъёс но сётыны тыршиськомы. Гурт удысын тыршисьёслы хозяйство дунтэм дунын кӧс турын, ю тысь сётэ.

Егитъёслэн фермае лыктэмзы уг поты ке но, ужась киослы уг ёрмо. Дӥнязы ужаны ветло артысь Юкаменск ёросысь Малый Вениж, Засеково но Иманай гуртъёсысь пудо утисьёс. Мукет гуртъёсысь но куриськисьёс вань, но ветлыны шонер сюрессы ӧвӧл. Асьсэ доразы уждунзы, пе, ичи, хозяйствозы куашкан калэ вуэмын, нош Парзиын ужзы пӧзе. Ужасьёссэс татын дунъяло, сьӧр гуртъёсын улӥсьёсты машинаен нулло. Фермаязы шутэтскон сэрегзы но сиськон интызы вань.

Скал кыскисьёслэн шоро-куспо арлыдзы 45-50 арес. Скал кыскисьын ужало 2 воргоронъёс но. Пудо вордон удысын 30 ар пала ужало ни Татьяна Бабинцева, Назиля но Зульфия Балтачеваос, Майя Сунцова. Кылсярысь, Майя Леонидовна анаезлэсь ужзэ азинтэм, 5 аресысен скал кыскыны дышем. Табере та хозяйствоын ик учётчик-лаборант луыса тырше ни Лена нылыз но. Наталья Салтыкова 19-тӥ арзэ фермаен кивалтэ ни. Солэсь азьвыл дышетӥсь вылэм, ужтэк кылем но фермае лыктэм.

Та фермаын ужзэс тынад-мынам шуыса уг висъяло, быгатэмзыя котьку ог-огзылы юрттӥсько. Арлы быдэ тросгес йӧл кыско. Озьы туэ 9 толэзь куспын, кылем арысь та вакытэн ӵошатыса, 530 тонналы тросгес йӧл люказы ни. Шаерысьтымы 4 устоез хозяйствоос пӧлы пыро.

Хозяйствоын ваньмыз умой ке, адямиос сюлмысь ужало. 

Валентина Емельянова

Ангелина Снигирева
By Ангелина Снигирева Ноябрь 2, 2018 11:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<