Кизилиос верало. 12-тӥ-18-тӥ шуркынмон

Удмурт Дунне
By Удмурт Дунне 12 ноября, 2018 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Така.

Коньдонэн герӟаськем ужпумъёс шумпоттозы. Семья куспады кылдэм валамтэостэс кыре-буре эн поттэ, ог-огеныды вераське, соку ваньмыз радъяськоз. Ӵап дырыз валче кыӵе ке бадӟым уж борды кутскыны. Кин ке улон инты басьтон сярысь малпаськоз.

Ош.

Дыр вуэмын радъяны документъёстэс: эскере, вань штрафъёсты, налогъёсты тыремын ни-а, паспорттылэн яке машина документъёстылэн выльдон дырзы ортчымтэ на-а? Тырше тросгес дырдэс семьядылы висъяны. Телевизор азьын юнме кыллем интые, шашки-шахматэн шудэ.

Кыктоос.

Куазь калтыртыны уггес на тупа, соин ик али дырыз коркась ужъёсты быдэстыны, ремонт лэсьтыны, кылсярысь. Кемалась адӟылымтэ тодмодэс пумиталоды, соин валче уждэс воштон сярысь малпан йырады берганы кутскоз.

Кисло-кусло.

Арняды огыр-бугыр ортчоз. Малпанъёсты трос, но ваньзэ дыраз быдэстыса вуттон понна нырысь малпалэ, мар бордысен кутскыса умойгес луоз. Зол ужам бере ӟеч шутэтсконо: басьтэлэ санаторие путёвка, выль кужым люкалэ.

Лев.

Азьвыл кутскем уждэс йылаз-пумаз вуттыны али ӵап дырыз, юрттӥсьёс но сюрозы. Ӧтем пумиськонъёсы, кенешонъёсы ветлытэк эн кыле, отын пумитам адямиос пайда вайыны быгатозы. Тросгес шутэтскыны тырше, выль книга лыдӟыны кутске.

Нылмурт.

Дӥсьтӥсь нылмуртъёслы тужгес но удалтоз. Малпанъёстэс быдэстон понна копак выёды ужады, но сак кариське, йырдэс эн ыштэ. Коньдондэс юнме эн быдтэ, со чотамез но утялтэмез яратэ. Арня пумын ӟеч ивор кылоды.

Весъёс.

Тодады возе: копейкатэк манет уг луы. Юнме ваньбурдэс эн быдтэ, луонлыкты вань ке, банке понэ, бӧрысь асьтэос ик шумпотоды. Дыр вуэмын пиньдэс йӧнатыны, тазалыктэс юнматыны.

Скорпион.

Огыр-бугыр вакыт. Но макем золгес али пӧсялоды, сокем капчигес луоз бӧрысь. Керетэм адямиен огкыл шедьтыны луонлык кылдоз. Ужды пумысен выль ӵектонъёс вуозы, но нырысь быдэстэ азьвыл кутскемзэ. Арня пумын семьяеныды валче шутэтске: матысь адямиостылэн шунытсы выль кужым пыртоз.

Ыбылӥськись.

Луонлык кылдоз тыриськонъёстэс ворсаны, сюлэмшугъяськытӥсь ужъёстэс йылаз-пумаз вуттыны. Кемалась адӟылымтэ эшъёстэс куное ӧте — мылкыдды ӝутӥськоз. Театре яке концертэ ветлэ.

Сюро кеч.

Тыршемдылэн емышъёсыз быгыльскыны кутско ни. Кин ке ӟеч коньдон басьтоз, кинлы ке ӟеч уж ӵектозы. Гань-гань кариськыны тырше, тросгес ӟечез сярысь малпаське, соку йыр висёнды ачиз ик ортчоз.

Ву кисьтась.

Ӵап дырыз выль уж борды басьтӥськыны. Тунсыко ӵектонъёслэсь палэнскыны эн дыртэ, мылкыдды ке вань, котькыӵе ужез берыктыны быгатоды. Кизилиос удалтон сӥзё корка, машина яке мукет дуно арбери басьтыны мылкыд карисьёслы.

Чорыгъёс.

Рос-прос малпаське, ма борды тӥледлы кутсконо но мае быдэстоно матысь дыре. Ыштонъёсты малпатэк, син азяды пуктэ уждылэсь емышсэ — соку ваньмыз лад-лад ас ӧртӥз кошкоз. Тросгес саклык висъялэ тазалыктылы.

Удмурт Дунне
By Удмурт Дунне 12 ноября, 2018 10:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<