И. Наговицын уз вуны ни

Ангелина Снигирева
By Ангелина Снигирева 20 ноября, 2018 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Глазов ёросын туэ И. Наговицынлэн арез ялэмын.

В. Шудегова

Ар ӵоже ёросысь школаосын, библиотекаосын Иосиф Наговицынлэн 130 ар тырмонэзлы сӥзьыса, пӧртэм ужрадъёс радъязы. Со сяна, ёрос администрацилэн решениезъя кылдытӥзы И. Наговицын нимо премия. Табере сое арлы быдэ сётозы удмурт культураез азинтӥсьёс пӧлысь мыло-кыдо адямиослы.

Туэ ортчытэм ужрадъёс сярысь ке верано, ёрос администрация сюлмаськемен, туэ выльдэмын вал Октябрьский каргуртысь И. Наговицынлэн синпелетэз, нош солэн вордӥськем Туктым гуртаз 1-тӥ октябре буре ваён пул шуккизы клублэн юртэз борды. Иосиф Наговицынлэн вордӥськем юртэз ӧвӧл ни, но та гуртын утиське на 1900-тӥ арын пуктэм школалэн юртэз, ӵапак отын кӧня ке ар дышетскыса вуттӥз вал пичи Ося (Иосиф). Та юртэз 1950-тӥ аръёсы клуб каризы.

Та нуналъёсы ик тодмо луиз ёросысь И. Наговицын нимо премилэн нырысетӥ лауреатэз, премия сётэмын Октябрьский каргуртысь библиотекаын ужасьлы Валентина Шудеговалы. Со трос лэсьтӥз, калык И. Наговицынэз медаз вунэты шуыса.

— Библиотекаын ог 40 ар ужасько, шуыны луоз, туж потӥз И. Наговицынлэсь нимзэ калык пӧлы берыктэме, — шуэ Валентина Сергеевна. — Гуртоосты, ёросысь кивалтӥсьёсты кӧня куаретылӥ, ас пал адямимы сярысь номыр вераны ум тодӥське шуыса. Глазов ёросын 1988-тӥ арын ик ортчытӥмы ни вал И. Наговицынлэн вордскем дырысеныз 100 ар тырмонлы сӥзем ужрад, жаляса верано, бӧрысь дано удмурт пилэн нимыз нош ик вужере ышиз.

Валентина Шудегова юнме уг шуы: адямиез быдэстэм ужезъя дунъяно. Кышномурт шумпотэ, уно аръёс ортчыса ке но, И. Наговицын сярысь тросгес верасьёс луизы шуыса.

Валентина Емельянова

Ангелина Снигирева
By Ангелина Снигирева 20 ноября, 2018 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<