Эшъяськытӥсь визь

Ангелина Снигирева
By Ангелина Снигирева Ноябрь 8, 2018 12:00

Кылем арнялэн пумаз дуннеын ортчиз этнографияя бадӟым диктант. Сое гожтӥзы инбамын но.

Шаерамы этнографияя диктант гожтӥз 11 сюрслэсь уно адями


Россиын этнографияя диктант радъяськыны кутскиз 2016-тӥ арысен. Кичӧлтон сётӥз элькунысьтымы Нациосын ужан политикая министерство. Кылем арын та визьсынанэ пыриськиз 367 сюрс мурт, Россиын но, кунгож сьӧрын но усьтэмын вал 2 сюрс 600 пала площадка. Туэ диктантэз гожтӥзы 5 сюрслэсь ятыр интыосын. Интернет пыр усьтэмын вал диктантэз онлайн амалъя гожтон. Шонер валэктонъёс но ӵем пумиськылӥсь янгышъёс сярысь ивор пуктэмын луоз диктантлэн сайтаз (www. miretno.ru) 10-тӥ ноябре, нош 12-тӥ декабре, Конституцилэн нуналаз, шараямын луозы улосъёсъя лыдпусъёс.
Шаерамы улӥсьёс но мыло-кыдо пыриськизы та визьсынанэ. Вордскем интызэ, вӧзаз улӥсь калыкъёсты макем ӟеч тодэмзэ эскериз 11 сюрслэсь ятыр адями 222 интыын. Бадӟымез площадка ужаз Ижысь Эшъяськон юртын. Отын диктант гожтӥзы Россиысь Кун Думаысь депутат Алексей Загребин, элькунмылэн Тӧроезлэн но Правительстволэн администрациенызы кивалтӥсь Сергей Смирнов, нациосын ужан политикая министр Лариса Буранова, Удмуртиысь калыкъёслэн ассамблеяенызы кивалтӥсь Владимир Байметов, озьы ик кун ёзъёсын тыршисьёс, тодосчиос, пӧртэм калык огазеяськонъёслэн ёзчиоссы, Ижысь дышетӥсьёс но дышетскисьёс — ваньзэ-ӧвӧлзэ 130-лэсь ятыр мурт. Одӥг мурт 100 балл люказ. Но солэсь нимзэ шараяны уг луы на, угось диктантэз гожтӥсьёс, нимын-тулын ӧвӧл, нимаз лыдпусэн пусъемын. Эшшо одӥг мурт 97 балл люканы пӧрмытӥз.
Ижысь 91 номеро школаысь 7-тӥ но 9-тӥ классъёсын дышетскись нылъёс но пиос диктант гожтэмзэс пыраклы тодазы возёзы — угось соос визьзэс сыназы трамвайын. Соос борды итӥськиз элькунмылэн Тӧроез Александр Бречалов. Туристъёслы чаклам трамвайлэн пушкыз чебер, укноосаз штораос ошемын, небыт пуконъёс вискы ӝӧкъёс пуктылэмын. Пиналъёс гинэ ӧвӧл, трамвайлэн водителез но чебер пӧрмытскемын, празднике кадь. Трамвай рельсаос кузя мынонэ — пиналъёс но Тӧро валэктон сёто 30 юанлы: пӧлысьтызы 20-ез герӟаськемын вал кунмылэн огъя историеныз но культураеныз, нош 10-эз — Удмурт шаерен. Валэктон шедьтыны дыр сётӥськиз 45 минут: озьы трамвай ширтӥз Октябрьский пролкаысен Металлургъёслэн городоказы, собере — берен пролкаозь. Диктантэз гожтэмез бере Тӧро А. Бречалов мылкыдзэ шараяз:

Диктан гожтӥзы нимысьтыз трамвайын

Юанъёс рос-прос малпаса дасямын. Туж тунсыко потӥзы Удмурт шаерлэн историеныз герӟаськемъёсыз. Асьмелэн кунмы туж аспӧртэмлыко, учке ай, кӧня калыкъёс уло странаямы — та бордын ик странамылэн узырлыкез. Нош диктант выллем ужрадъёс туж юртто калыкъёс куспын эшъяськонэз юнматыны, вордскем интыдэ эшшо но мургес тодыны но эшшо но золгес яратыны.
Этнографияя диктантэз космонавтъёс но гожтӥзы бере, соослэсь палэнэ ӧз кыле «Ижавиа» огазеяськонлэн самолётъёсыныз лобисьёс но. Диктантэз гожтон нуналэ Ижысь Москвае лобись пассажиръёс визьзэс сыназы 9-12 иськем вылӥын — инмын. Та огазеяськонлэн пресс-службаез ивортэмъя, пассажиръёс пӧлысь уноез уг ик тодо вылэм таӵе визь сынан сярысь, но юанъёслы валэктон мыло-кыдо сётӥзы.

Елена Тугашова

Туспуктэм басьтэмын http://www.udmurt.ru/ сайтысь

Ангелина Снигирева
By Ангелина Снигирева Ноябрь 8, 2018 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<