Вуоно арын 1-тӥ январьысен Россия выжоз цифровой вещание вылэ

Елена Никитина
By Елена Никитина Октябрь 12, 2018 09:17

Вуоно арын 1-тӥ январьысен Россия выжоз цифровой вещание вылэ

Аналоговой сигнал вӧлмемысь дугдоз, со вылын ужась телевизоръёс уз возьматэ ни. Озьы Россиын быдэсъяське цифровой вещание выжонъя федерал программа.

Цифровой вещание выжон сярысь али ик сюлмаськоно ни. Угось гуртъёсын, тужгес но мӧйы калыклэн телевизоръёсазы вуж — аналоговой — сигналэн ивор сётӥське: я телевизорзы чакламын ӧвӧл цифровой сигналэз кутыны, я гуртсы телевышкалэсь палэнын сылэ. Зэм, федерал программаын чакламын, матысь дыре телевышкаос пыр сигнал ваньмаз сямен гуртъёсы мед вуоз шуыса.

Мар кароно, вуоно арын телевизортэк медад кыле шуыса? Нырысь ик, эскере асьтэлэсь телевизордэс. Со бичамын-поттэмын ке 2013-тӥ ар бере, озьыен, цифровой сигналэз кутоз — кулэ луоз дециметровой (мукет сямен, всеволновой) антенна гинэ. Сое кабелен телевизорен герӟано но настроить кароно. Нош 2013-тӥ арозь поттэм телевизоръёслы, антенна сяна, кулэ луоз на DVB-T2 стандартэн ужась антенна. Солэн дуныз 700-800 манет.

Туннэ нуналлы гуртъёсын аналоговой сигнал пыр вӧлме-возьматӥське тужгес троссэ 4 канал гинэ. Нош вуоно арысен калыклы луонлык усьтӥськоз 10 федерал каналэз вылӥ ӟечлыкен учкыны, кылсярысь, «Первый канал», «Россия 1», «Матч ТВ», НТВ, «Пятый канал», «Россия К», «Россия 24», «Карусель», ОТР но «ТВ Центр». Озьы цифровой вещание луонлык кылдытэ уно пӧртэм каналъёсты дунтэк но вылӥ ӟечлыкен учкыны.

Цифровой вещание вылэ выжон сярысь пыр-почгес тодыны быгатоды Интернетысь СМОТРИЦИФРУ.РФ сайтысь яке 8 (800)220-20-02 дунтэк телефонъя.

Туспуктэм: СМОТРИЦИФРУ.РФ

Елена Никитина
By Елена Никитина Октябрь 12, 2018 09:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<