Ужбергатон но кивалтон

Ангелина Снигирева
By Ангелина Снигирева Октябрь 11, 2018 13:00

30-тӥ октябре Ижын ужаны кутскоз ужбергатӥсьёслы чаклам «Сделано в Удмуртии» форум. Кыстӥськоз со 2-тӥ ноябрёзь.


Ужрад ужбергатон но кивалтон куспын аспӧртэм площадкалы пӧрмыны кулэ. Учкозы мар кароно шаерысьтымы бизнесэз азинтон понна, кенешозы кытын но кыӵе шуг-секытъёс кылдэмын но кызьы соосты палэнтоно. Бадӟым саклык висъяськоз туризмлы, дышетонлы, инвестициослы.
Форумлэн нырысетӥ нуналэз сӥземын туризмез азинтонлы. Озьы 30-тӥ октябре чаклалозы, кызьы мукет улосъёсын туризмъя брендъёс кылдытэмын, кыӵе программаосъя ужало, эскерозы кызьы ужало туризмъя но ивор вӧлмытонъя центръёссы, кызьы Интернет вотэсын но газет-журналъёсын, радио-телевидениен кусып возё, проектъёссэс улонэ пыӵатыны кызьы уксё шедьто. Туризм — со ужбергатон темалы сӥзем конференция радъяськоз.
31-тӥ октябре егит тодосчиослэн инновационной проектъёссыя «Умник-18» конкурслэн полуфиналэз ортчоз. Татчы «Сколково» фонд, наука удысын пичи предприятиосты азинтонъя институт но мукетъёсыз пыриськозы. Озьы Удмуртиысь егитъёс быгатозы асьсэ проектъёсынызы тодматыны.
1-тӥ ноябре радъямын луоз Удмуртиын выль проектъёсты улонэ пыӵатонъя, улослэсь туссэ воштонъя бадӟым кенеш. Кыскозы пичи ужбергатонъя корпорациысь специалистъёсты.
2-тӥ ноябре «Сделано в Удмуртии» вуз каронъя юртлы презентация ортчытозы. Татын ик радъямын луоз проектлы дизайн лэсьтонъя мастер-класс, ужазинлыкез будэтонъя сессия. Асьме ужбергатӥсьёс пумиськозы Чехиысь, Турциысь но Венгриысь ужбергатӥсьёсын.

Сергей Захаров

Ангелина Снигирева
By Ангелина Снигирева Октябрь 11, 2018 13:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<