Проект гожъяны дышетӥз Александр Бречалов

Елена Никитина
By Елена Никитина Октябрь 1, 2018 14:10

Удмуртилэн  Тӧроез Александр Бречалов пумиськиз «Заряженный интенсив» проектлэн сессияз пыриськисьёсын.

Вераськонлэн шорсюлмыз луиз ӵектонлы презентация но «кӧм» лэсьтон. Александр Бречалов пусйиз, та ужпум тужгес валтӥсез шуыса.

— Ваньмыз потэ со бордысь, кызьы тӥ асьтэлэсь проекттэс, городдэс, асьтэды возьматоды. Та удыслы тужгес бадӟым саклык висъяно, малы ке шуоно Удмуртиез возьматыса, асьмеос вожвылъяськиськом 84 улосэн но кужмо городъёсын. Бадӟым форумъёсын тодэ кыле яке берпуметӥез презентация, яке тужгес яркытэз ӵектон, — вераз кивалтӥсь.

Соин ик республикаез висъяськымон карон понна кылдытэмын выль концепция, малпамын огъя стиль. Озьы «Сделано в Удмуртии», «Удмуртия – территория спорта», «Инвестируй в Удмуртию», «Удмуртия заряжает» выль хештегъёс кылдӥзы. Та малпан бордын ужась команда ӵап интызэ шедьтӥз.

Адӟем карымон проектъёс пӧлысь Удмуртилэн Тӧроез висъяз Глазовысь ужез — ляб адӟисьёслы сӥзем книгаез.

— Презентацизы синмаськымон вал. Сое кутсконысеныз пумозяз шокчыны дӥсьтытэк кадь учкиськод, — шуиз Александр Бречалов.

Озьы ик кивалтӥсь пусйиз кылем арын ортчем фотоконкурсэз, со шаермес выль сямен адӟыны но синмаськытыны юрттӥз.

Алёна Ионина

Туспуктэм: udmurt.ru

Елена Никитина
By Елена Никитина Октябрь 1, 2018 14:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<