«Лэсьтэмын Удмуртиын» форумын бадӟым саклык висъяськоз инновациослы

Ангелина Снигирева
By Ангелина Снигирева 18 октября, 2018 15:31

Удмуртиын 30-тӥ октябрьысен 2-тӥ ноябрёзь «Лэсьтэмын Удмуртиын» форум ортчоз. Отын бадӟым саклык висъяськоз туризмез, ужбергатонэз азинтонлы инвестициос кысконлы. Ужрадэз радъяло «Удмурт элькунэз азинтонъя корпорация» но Удмуртилэн Правительствоез.

Форумлэн одӥг нуналэз сӥземын луоз инновациослы. 31-тӥ октябре нимысьтыз саклык висъяськоз ужбергатонэн алигес вырыны кутскемъёслы но пичигес предприятиослы. Соку Инновациослы юрттонъя фондлэн кивалтӥсез Сергей Поляков но элькунысьтымы вузъёсысь адямиос тодматозы, кыӵе юрттэт басьтыны быгато ужбергатӥсьёс но пичи предприятиос. Форум дыръя ик вералозы, кызьы виртуальной но ватсам реальность амалъёсты бизнесын кутыны луэ. Нунал ӵоже Ижысь техникая университет, Удмурт кун университет, «Кванториум» технопарк тодматозы, кыӵе туала амалъёсты соос куто асьсэ ужазы.
Озьы ик та нуналэ инновационной проектъёсъя «Умник-18» элькун вожвылъяськонлэн полуфиналэз ортчоз. Отын 168 проектъёсын тодматозы, соос герӟаськемын энергетикаен, цифровой технологиосын, медицинаен но мукет удысъёсын. 50-эз соос пӧлысь финалэ потозы, 11-зэ усто проектэз улонэ пыӵатыны быдэн 500 сюрс манет висъяськоз.
Форум сярысь пыр-почгес тодыны луоз http://forum.madeinudmurtia.ru/ сайтысь.

Сергей Захаров

Ангелина Снигирева
By Ангелина Снигирева 18 октября, 2018 15:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<