Кынмыны но мӧзмыны маза уз лу

Елена Никитина
By Елена Никитина 31 октября, 2018 11:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Россиысь Калык огазеяськон нуналэз но Удмуртилэсь кунлык басьтон  нуналзэ пусйыку — 4-тӥ ноябре — Ижысь Шор карлудын ортчоз тунсыколэсь тунсыко ужрад — эктонъёсъя «Star&Млад» баттл.

Куспазы эктыса вожвылъяськозы егитъёс но арлыдоос. Ӟуч, удмурт, бигер кырӟанъёс чузъяськем улсын кужымзэс мерталозы 100 песянай-песятайёс но 100 кузя егитъёс.

Иж город администрациысь мугорез кыдатон культурая, спортъя но егитъёсын ужан политикая ёзлэн кивалтӥсезлэн воштӥсез Дарья Скрябина ивортэмъя, быдэн 20 мурт егитъёс но арлыдоос сцена вылын эктозы, кылемъёсыз соос сьӧры тапыртозы-эктозы карлудысен. Тужгес чебер эктӥсез быръёзы учкисьёс.

Ӵошатскон йылпумъяськоз бадӟым эктонэн — Шор карлудысь калык ваче ки кутскыса тапыртоз, пӧртэм калык эктонъёсты быдэстоз. Мӧзмыны но кынмыны маза уз луы. Ужрад кутскоз нуназе бере 2 часын. 0+

Елена Никитина
By Елена Никитина 31 октября, 2018 11:05