Ижлы Тӧро луон понна вожвылъяськозы О. Бекмеметьев но В. Шестаков

Ангелина Снигирева
By Ангелина Снигирева Октябрь 15, 2018 18:14
    С. Смирнов

    Туннэ выльысь ортчиз Иж городлы тӧро быръёнъя конкурс. Таяз рад городэз валтон понна вожвылъяськиз 16 мурт. Финалэ потӥзы 2-ез — Глазовлэн тӧроез Олег Бекмеметьев но Сарапул ёрос администрацилэн кивалтӥсезлэн воштӥсез Виктор Шестаков. Соосты бырйиз нимысьтыз кылдытэм комиссия.
    Комиссилэн кивалтӥсез, Удмуртилэн Тӧроезлэн администрациеныз кивалтӥсь Сергей Смирнов верамъя, азьвыл сямен ик комиссия кенешиз, финалэ тросгес балл люкам 2 мурт потоз.
    Озьы В. Шестаковлэн 535 балл, О. Бекмеметьевлэн — 592 балл люкаськиз. Туннэ городэз азинтон пумысен адӟонзэ вераны кулэ вал 19 мурт, но 2-ез кандидат ӧз лыкты, эшшо огез конкурс азьынгес ик ӵошатсконлэсь палэнскиз.

    О. Бекмеметьев но В. Шестаков
    • Шӧдӥськиз финалэ потэм муртъёс городлэсь вормонъёссэ но сюлмаськонъёссэ мур тодо шуыса. Кивалтон удысын но тодон-валанзы бадӟым. Туннэ Ижез азинтон пумысен трос тунсыко малпанъёс чузъяськизы. Пусйысал Олег Бекмеметьевез. Со городэз азинтон пумысен нимысьтыз карта дасям шуыны луоз. Пыр-поч эскерем бюджетэз, доход, расход люкетъёсты, солэн азинлыко малпанъёсыз, кызьы но кыӵе удысын ужано.
      Конкурс ортчем бере финалэ сюрем кандидатъёс мылкыдзэс но городэз азинтон пымысен куд-ог малпанъёссэс усьтӥзы. О. Бекмеметьев вераз, тӧрое пуксиз ке, нырысь ик городын ЖКХ удысын кылдэм югдурез тупатон бордысен кутскысал, пе. Бадӟым саклык висъясал нылпи садъёслы, школаослы, пиналъёс 2 сменаен дышетскыны кулэ ӧвӧл, шуиз со.
      Виктор Шестаков город экономикаез азинтон понна Ижкаре инвестициос кысконо шуиз. Озьы ик со малпа ижкаръёсты таза улонэн золгес эшъяськытыны, бадӟым саклык висъяны чакла дышетон удыслы. Озьы ик будэтӥз на Ижкар деловой но событийной туризмез азинтон инты луыны кулэ шуыса.
      Та кык адямиос пӧлысь кин Ижлы тӧро луоз, быръёзы Город думалэн депутатъёсыз матысь ортчоно сессиязы. Со радъяськыны кулэ вуоно арня вискын. Городэз валтон понна кандидатлы дур басьтыны кулэ 22 депутат, ваньмыз соос 42 мурт.
    •                                                                                    Ангелина Снигирёва
    Ангелина Снигирева
    By Ангелина Снигирева Октябрь 15, 2018 18:14
    Write a comment

    No Comments

    No Comments Yet!

    Let me tell You a sad story ! There are no comments yet, but You can be first one to comment this article.

    Write a comment
    View comments

    Write a comment


    Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
    <