Анай кылын кырӟасьёсты вожвылъяськыны ӧтё

Нациосын ужанъя федерал агентство ивортэ крезьгуръя «Во весь голос» телеконкурс сярысь.

Пӧртэм выжыысь егит кырӟасьёслы сӥзем проектэз федерал агентстволы ортчытыны юртто «Дети помогают детям» благотворительной фонд но РУ.ТВ телеканал.

Конкурсэ пыриськыны быгато 13-17 аресъем пиналъёс. Со понна 25-тӥ октябрёзь www.вовесьголос.рф сайтын анкета гожтоно, бордаз кырӟасьлэсь видеозаписьсэ келяно.

Усто кырӟасьёсты быръёз жюри. Дунъясьёс 10 кузя луозы: пӧлазы крезьгурчиос, продюсеръёс, кырӟасьёс. Финалэ потэм егит кырӟасьёсты ноябрьлэн кутсконаз ӧтёзы Москвае. 5-тӥ шуркынмонэ соос пыриськозы меӵак эфирын мынӥсь телеконкурсэ. Нош вормисьлы сюрес усьтӥськоз 2019-тӥ арын Россилэсь данзэ утьыны калыккуспо «Во весь голос на весь мир» телеконкурсын.

Алёна Ионина

Туспуктэм: e-cis.info