7 пол бырйылӥзы депутатэ

Ангелина Снигирева
By Ангелина Снигирева 1 октября, 2018 12:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

30-тӥ октябре Дмитрий Устиновлэн Ижысь синпелетэз дорын сяська тугокоос кылдӥзы. Совето Союзлэн маршалэзлы вордскемез дырысен 110 ар тырмиз.

Д. Устинов

Сяська тугокоос понэмын вал Кун Кенешысь депутатъёслэн нимынызы. Ӵапак та нуналэ соослэн 8-тӥ сессизы ортчиз. Совето вакытысь военачальник вордскиз 1908-тӥ арын 17-тӥ (30-тӥ) октябре Самараын. Социалистической Ужысь 2 пол Герой, Совето Союзысь Герой, Ленин орденлэн 11 пол кавалерез луэ.

Быдӟым тылож вакытэ Удмуртиысь промышленность вакчи дыр куспын выжыны кулэ вал ож тӥрлык поттонэ. Та воштӥськонэн кивалтӥз Дмитрий Устинов. Со туж ӵем вуылӥз шаерамы, соин ик тросэз сое асьме кивалтӥсь кожаны кутскылӥзы. Дмитрий Фёдорович ачиз радъялляз выль пыӵал тӥрлык поттонэз, производствое выль амалъёсты пыӵатонэз. Обороналы ужазы улосысьтымы вань предприятиос, соосын ӵош — война вакытлы мукет улосъёсысь выжтэмъёсыз но.

Война бере но Дмитрий Устинов кичӧлтэм улсын шаерамы ӝутӥськизы промышленной предприятиос. 1946-тӥ арын, кылсярысь, выльысь поттыны кутскемын мотоциклъёс, 1966-тӥ арын конвейерысь потӥз нырысетӥез автомобиль… Д. Устиновлы луыса Ижын кылдӥзы «Буммаш», «Нефтемаш», Ижысь радиозавод, озьы ик — чугун сюрес вокзал, нырысетӥез телевизионной башня, Операя но балетъя театр, Йӧ дворец, «Ижмаш» медсанчасть, кинотеатръёс, стадионъёс, городэз котыръяны кутскизы троллейбусъёс.

Шаерамы улӥсьёс Дмитрий Устиновез 7 пол бырйылӥзы СССР-ысь Верховной Советэ депутатэ.

1984-тӥ арын Д. Устинов улонысь кошкиз. Та аре ик Ижевск луиз Устинов. Зэм, со лэсьтэмын вал, калыклэсь мылкыдзэ тыро-пыдо юатэк, соин ик адямиос ӧз дыше выль нимлы. Бордаз тупаз на перестройка. Озьы 1987-тӥ арын шоркармы выльысь Ижевск луиз. Но со вакытэ город туж зол паськыта вал — кылдӥз быдэс район, со борды ик Устиновлэн нимыз юнмаз.

Ижысь Вормон сквере Д. Устиновлы синпелет пуктэмын 3 ар талэсь азьло.

Ангелина Снигирева
By Ангелина Снигирева 1 октября, 2018 12:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<