10-тӥ октябре усьтӥськиз «Лидеры России 2018-2019» ӵошатскон

Елена Никитина
By Елена Никитина Октябрь 12, 2018 13:01

Отчы пыриськыны мылкыд карисьёслы регистрация пыр ортчыны трос ик дыр ӧз кыльы ни — куриськонъёссэс кутозы 24-тӥ октябрёзь.

«Лидеры России» конкурс ортчытӥське Россилэн Президентэз Владимир Путин кичӧлтэмъя. Та вожвылъяськон луонлык кылдытэ кунысьтымы усто управленецъёслы кун ёзъёсы шедьыны, бадӟым удысъёсын кивалтыны. Кылемаз вожвылъяськонын, кылсярысь, ӵошатсконэ пыриськыны мылкыд кариз 199 сюрс адями, вормисе потӥз 103-ез, со пӧлысь 70 муртлы ӵектэмын вал кун ёзъёсын инты. Пӧлысьтызы 3 муртлы оскемын федерал министерствоосын тыршыны, кык мурт юнматэмын улосъёслы губернаторе.

Нош туэ — конкурс усьтӥськем сярысь ялэм бере ик нырысетӥ нуналаз — регистрация пыр ортчиз ни 24 сюрслэсь ятыр адями. Президентлэн администрациеныз кивалтӥсьлэн нырысетӥ воштӥсез, та конкурс понна кыл кутӥсь Сергей Кириенко калыклы вазиськиз та ӵошатсконэ пыриськыны ӧтьыса:

— Мон оскисько: котькуд адями маке ласянь но кибашлы. Ӵапак та конкурс луонлык усьтэ быгатонлыкъёссэ кулэ удысэ пыӵатыны но огъя кунмылы пайда вайыны, — шуиз со.

Туэ «Лидеры России» конкурсэ выльдонъёс пыртэмын. Кылсярысь, отын кужымзэ мертаны быгатоз мукет кунлэн гражданинэз но, валтӥсь условие — ӟеч мед тодоз ӟуч кылэз. Со сяна, табере пыриськыны быгатозы 55 аресозь мыло-кыдоос — миым 50 аресозь муртъёс гинэ лэземын вал.

Пусйыны кулэ: туэ та конкурсэн тунсыкъяськемзы сярысь ивортӥзы кунысьтымы тужгес бадӟым 20 корпорациос. Вожвылъяськонын асьсэды усто возьматэмъёслы соос уж инты ӵектыны дасесь. Усто управленецъёсты витё улосъёс но, федерал центр но.

«Лидеры России» конкурслэн финалаз потэмъёс басьтозы 1 миллион мант тыр грант: соин дышетскыны быгатозы быръем удыссыя. Со сяна, соослы оскемын луоз пӧртэм кун ёзъёсын, бадӟым огазеяськонъёсын кивалтон. 

Туспуктэм: ysia.ru

Елена Никитина
By Елена Никитина Октябрь 12, 2018 13:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<