Удмуртиын быръёнъёсъя 208 участокъёс ужало

Удмурт Дунне
By Удмурт Дунне Сентябрь 9, 2018 13:18
Ижын 84 участокъёс ужало

Туннэ, 9-тӥ сентябре, Удмуртиын ортчо Кун Кенеше, куд-ог ёросъёсысь муниципал кылытэтъёсы но куд-ог поселениосы депутатъёсты ватсаса быръёнъёс.

Оглом ужало быръёнъёсъя 208 участокъёс. Муниципал ёросъёсы ватсаса быръёнъёс ортчо республикаысьтымы 11 районын: Балезино, Вавож, Глазов, Дэри, Эгра, Камбарка, Каракулино, Кияса, Сарапул, Ува но Якшур-Бӧдья.

Республикаысьтымы 6 ёросын дырызлэсь вазь яке ватсаса быръё поселенилы депутат (Балезино, Вавож, Камбарка, Кез, Ува, Якшур-Бӧдья). Со сяна интыысь думаосы ватсаса депутатъёсты быръё Ижын (5 округын), Воткаын (2 округын), Можгалан (1 округын).

Ижын оглом 84 быръёнъя участок ужа, со пӧлысь 79-аз КОИБ-ёс пуктэмын. Куара сётон кутскиз ини ӵукна 8 часысен. Быръёнъёс огсыр, ӵашетонъёстэк мыно. Куара сётыны луоз ӝыт 8 часозь. Озьы туннэ быръемын луозы Кун Кенеше 2 депутатъёс, Ижкар думае – 5 депутат, Можгала – 1 депутат, Воткае – 2, ёрос депутатлэсь мандатсэ басьтоз 15 адями, нош поселенилэн депутатэз луоз 51 адями.

Елена Миннигараева

Удмурт Дунне
By Удмурт Дунне Сентябрь 9, 2018 13:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<