Телевизор возьматоз выль сямен

Елена Никитина
By Елена Никитина Сентябрь 6, 2018 10:40

Телевизор возьматоз выль сямен

Россиын быдэсъяське цифровой вещание вылэ выжонъя федерал программа. Соя матысь аръёсы Россиын улӥсьёс вылӥ ӟечлыкен учкыны быгатозы ни 20 пала федерал каналъёсты.

Озьы аналоговой вещание туала улонысь калленэн ышыны кулэ. Угось сое вӧлмытыны-радъяны дуногес усе, телевизорысь суредлэн но ӟечлыкез чутэ. Нош цифровой вещание луонлык кылдытэ уно пӧртэм каналъёсты дунтэк но умой ӟечлыкен учкыны.

Правительстволэн пуктэмезъя аналоговой вещаниез быдтыны чакламын вал ни 2018-тӥ арозь. Но законэ воштонъёс пыртэмын вал: аналоговоез кысэмын уз лу на, солы кулэяськисьёс бырытозь. Таин сэрен цифровоеныз артэ аналоговойзэ возьыны-вӧлмытыны теле- но радиоканалъёслы субсидия висъяськоз. Но сыӵе интыосын, кытын улӥсез 100 сюрслэсь ичигес. Озьыен, аналоговоез уз быры на вуоно аръёсы но, но калык валаны кулэ, аналоговой вещанилэсь калленэн куштӥськоно ни шуыса.

Мар кароно, телевизор чакламын ӧвӧл ке цифровой сигналэз кутонлы? Со понна тодоно телевизордылэсь аспӧртэмлыкъёссэ. Со ужа ке DVB-T2 стандартэн, озьыен, кулэ луоз ДМВ диапазонэз кутӥсь антенна гинэ. Вуж, аналоговой сигналэз гинэ кутыны быгатӥсь телевизоръёс понна нимысьтыз басьтоно луоз цифровой приставка.

Туспуктэм: rnns.ru

Елена Никитина
By Елена Никитина Сентябрь 6, 2018 10:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<