Кун Думаын кыкетӥ лыдӟемен кутӥзы пенсие потонэн герӟаськем законлэсь проектсэ

Елена Никитина
By Елена Никитина Сентябрь 26, 2018 16:36

Президентлэн Владимир Путинлэн куронъёсыз санэ басьтэмын. 

Пенсие потон арлыдэз воштон сярысь закон Кун Думаын эскериське 16-тӥ июньысен. Соку Россиысь Правительство ӵектонъёссэ депутатъёслы келяз. Август пумын Владимир Путин вазиськиз, законэз небӟытон вылысь отчы воштонъёс пыртыны, куд-ог льготаосты утьыны курыса.

Кун Думалэн Тӧроез Вячеслав Володин пусъемъя, Президентлэсь ӵектонъёссэ санэ басьтыса гожтэм выль проект понна дурбасьтӥз 385 депутат, пумит луисез ӧй вал. Соя чакламын: пиосмуртъёс 65 аресын пенсие потозы, нош нылкышноос — 60 аресын. Но 3 нылпиен нылкышноос пенсие 3 арлы вазьгес потыны быгатозы, 4 нылпиен нылкышноос — 4 арлы вазьгес, 5 но солэсь трос нылпиен анайёс — 50 аресазы. Ӝыны арлы вазьгес шутэтскыны кошкыны быгатозы со адямиос, кин матысь 2 ар ӵоже пенсие потыны кулэ вал. Кылсярысь, адями пенсие 2020-тӥ арын январе потыны кулэ ке, со 2019-тӥ арын июле ик пенсия басьтыны быгатоз ни.

Кун Дума озьы ик юнматӥз ужтэк кылемъёсты утёнъя ӵектонэз. Соя пенсие потон азязы адямиос кыӵе ке муген ужзэс ыштӥзы ке, бадӟыматэм пособие басьтыны быгатозы. Али пособилэн быдӟалаез шорлыдын 4 сюрс 900 манет ке, пенсие потыны дасяськисьёс понна сое вуттозы 11 сюрс 280 манетозь.

Гуртын улӥсь пенсионеръёслы вуоно арын 1-тӥ январьысен пенсизылэн страховой люкетсы борды 25 процент ватсаса тырозы на. Зэм, одно ик санэ басьтозы ужан аръёссэс: гурт удысын тыршемед 30 ар люкаськыны кулэ. Гуртын улӥсьёслы юрттоно, шуиз вал аслаз вазиськоназ В. Путин.

Кун Думалэн Тӧроезлэн воштӥсез Сергей Неверов пусъемъя, законлы проектэ воштонъёс пыртыкузы, бырйыны выризы ваньмызлы тупамон но ярамон ӵектонъёсты.

Сергей Захаров

Туспуктэм: bobr.by

Елена Никитина
By Елена Никитина Сентябрь 26, 2018 16:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<