Искусство вамыштэ улонэн ӵош

Ангелина Снигирева
By Ангелина Снигирева Сентябрь 7, 2018 13:01
В. Соловьев но А. Фомин

Удмурт кун филармония кутске 81-тӥ концертной сезонзэ. Филармония борды итӥсько «Арсенал-бэнд» оркестр но Удмуртиысь кун симфонической оркестр.

Туэ асьмемыз возьма аспӧртэм но тунсыко сезон, — шуэ филармонилэн директорез А. Фомин. — «Арсенал-бэнд» оркестр но Удмуртиысь кун симфонической оркестр учкисьёсмес шумпоттозы, малпасько, малы ке шуоно Киров паркысь фан-зонаын ортчем Open air-ын симфонической оркестрлэн концертэз 4 сюрс пала адямиосты люказ! Со ми понна шумпоттӥсь лыдпус.
Та сезонын симфонической оркестрлэн репертуараз луозы Сергей Рахманиновлэн «Симфонические танцы» произведениез, Антонин Дворжаклэн 7-тӥ симфониез, Дмитрий Шостаковичлэн но Людвиг ван Бетховенлэн 9-тӥ симфониоссы.
Удмурт филармония котьку сямен 3 бадӟым фестиваль ортчытоз: джазлы сӥзем, «Рождественские вечера в филармонии», «П. И. Чайковскийлэн вордскем палъёсаз».
Джаз фестиваль туэ радъяськоз ини 18-тӥзэ. 30-тӥ ноябре куное лыктоз Санкт-Петербургысь пианист Андрей Кондаков триоеныз. Фестивальлэн шорсюлмыз луоз Америкаысь ӝужась кизилилэн Калил Уилсонлэн но Санкт-Петербургысь Константин Хазановичлэн джаз-триоезлэн концертъёссы.
4-тӥ-9-тӥ январе учкисез шулдыртозы Удмурт филармониысь коллективъёс. «Рождественские вечера в филармонии» фестиваль туэ радъяськоз 2-тӥзэ.
Калык но, асьсэос но музыкантъёс тужгес зол возьмало «П. И. Чайковскийлэн вордскем палъёсаз» фестивалез. Туэ со радъяськоз ини 62-тӥзэ!
Филармония дасяз концертъёсы 20 абонемент, 3-ез соос пӧлысь — нылпиослы, тужгес но трос басьтэмын «Симфонические вечера», «Романтика романса», «Молодёжный» абонементъёс.
Удмурт филармониын радъямын виртуальной концертной зал. Отысь адӟыны луоз Москваысь филармонилэсь концертъёссэ но. Асьме филармонилэн директорез А. Фомин шуиз: улонлэсь бере кыльыны уг яра. Искусство туала улонэн ӵош мед вамышъялоз.

Любовь Михайлова

Ангелина Снигирева
By Ангелина Снигирева Сентябрь 7, 2018 13:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<