100 мурт, 100 инты, 100 учыр

Елена Никитина
By Елена Никитина Сентябрь 7, 2018 13:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

2020-тӥ арын элькунмылэн кунлык басьтэмез дырысен 100 ар тырме. Кыӵе ужрадъёс ортчозы таин валче?

Удмурт Республикалэн Тӧроез Александр Бречалов кивалтэм улсын котрес ӝӧк сьӧры люкаськылӥзы та юбилейлы дасяськонъя ужась группае пырисьёс. Нациосын ужан политикая министр Лариса Буранова пусйиз: ужрадъёс кутскозы ни туэ ик. Глазкарысь Йӧ дворецын вуоно арын 4-тӥ ноябре усьтӥськоз «Удмуртия огазея!» шоу. Та бӧрсьы эстафетаез кутозы муниципал кылдытэтъёс, отын ужрадъёс мыныку, видеосъёмка радъяськоз — кылдоз «Яратӥсько Удмурт шаерме» калык фильм.

Пыӵалозы пӧртэм проектъёс. Кылсярысь, «ДаУР!» — быръемын луозы 100 мурт, 100 инты, 100 учыр — кудъёсыз даур куспын Удмуртилэн улоназ тужгес бадӟым инты басьтӥзы. Таиз пыӵаны кутскоз ни вуоно арын 4-тӥ ноябрьысен, йылпумъяськоз 2020-тӥ арын та нуналэ ик.

Со сяна, радъяськозы интерактивной адӟытонъёс, Россилэн пӧртэм улосъёсаз ортчозы Удмурт Республикалэн нуналъёсыз, удмуртъёслэн ӧтчамзы, цирк искусствоя, озьы ик калык театръёслэн фестивальёссы но трос мукет. Тужгес пусйымонэз: вуоно арын ӧсъёссэ вӧлъяны кулэ удмурт культурая центр. Сое йылозяз-пумозяз вуттон понна уж борды али ик басьтӥськоно ни, пусйиз А. Бречалов.

Елена Никитина
By Елена Никитина Сентябрь 7, 2018 13:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<