Выжызэс утисьёс

Удмурт Дунне
By Удмурт Дунне Август 23, 2018 11:20

Григорьевъёс

Кияса ёросысь Вуж Салья гуртысь Любовь Павловна но Сергей Алексеевич Григорьевъёслэн семьязы Россиысь «Арлэн семьяез» вожвылъяськонын «Семья — выжыосты утисьёс» номинациын вормиз.

Семьяос куспын вожвылъяськон 3-тӥ арзэ ортчытӥське. Та нуналъёсы тодмо луизы «Трос нылпиё семья», «Егит семья», «Гурт семья», «Россиысь зарни семья» но мукет номинациосын устоосыз. Конкурсэ улосъёсысь 329 семья пыриськиз. Ваньзы соос ас улосазы вормисьёс. Удмуртиысь 4 номинацияя ужъёс ыстэмын вал: Можга ёросысь Калининъёс (9 пиналзы) — «Трос нылпиё семья», Можга городысь Зигангареевъёс (3 пиналзы) — «Егит семья», Сюмси ёросысь Варгинъёс (3 пиналзы) — «Гурт семья» но Кияса ёросысь Григорьевъёс (3 пиналзы) — «Семья — выжыосты утисьёс».

Удмуртиысь Ужъя но калыкез утёнъя министерствоысь семья ужпумъёсъя но демографияя управлениен кивалтӥсь Ольга Братухина ивортэмъя, шаерысьтымы семьяос арлы быдэ кыӵе ке номинациын вормон басьто. Таяз учыре шумпоттӥзы киясаос. Вормись семьяез Анайлэн нуналэз дыръя — 30-тӥ ноябре — Ижевскын ӟечкылалозы.

Кияса ёросысь кузпалъёс Вуж Салья школаын ужало. Григорьевъёс вормонзылы шумпотэмын. Удмуртиысь семьяослэн вожвылъяськоназы 2 ар пыриськыса, пӧртэм номинациосын вормонъёс басьтылӥзы ни вал, нош Россиын вормозы шуыса оскиллямтэ но. Сергей Алексеевичлэн но Любовь Павловналэн 3 пиналзы, ваньзы школае ветло: Алёша 10-тӥ классэ потӥз, Андрей — 6-тӥ классэ, Кристина — 5-тӥ классэ. Пиоссы, атайзы сямен, пуэз вӧло, нылзы, анайзы кадь, суредаське, ваньзы пырисько пӧртэм конкурсъёсы но предметъя олимпиадаосы, вормонъёссы но ичи ӧвӧл.

Валентина ЕМЕЛЬЯНОВА

Удмурт Дунне
By Удмурт Дунне Август 23, 2018 11:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<