Удмуртилэн Тӧроез Президентлэн резерваз пыртэмын

Удмурт Дунне
By Удмурт Дунне 1 августа, 2018 17:55

Кремльлэн сайтаз Россиысь Президентэн резерве пыртэм кивалтӥсьёслэн нимтулъёсынызы выль список шараямын.

Отчы таяз радэ шедизы 138 адямиос, кудъёсыз кивалтыны быгатэменызы висъясько. Соос пӧлы пыртэмын Удмуртилэн Тӧроез Александр Бречалов но.

Списоке сюремын на Бурятилэн Тӧроез Алексей Цыденов, губернаторъёс Александр Козлов, Андрей Бочаров, Николай Любимов, Кун Думаысь куд-ог депутатъёс, Федерация Кенешлэн ёзчиосыз. Соос пӧлын ик Ижысь механикая заводлэн коммерцияя кивалтӥсез Олег Сапожников.

Сергей Захаров

Удмурт Дунне
By Удмурт Дунне 1 августа, 2018 17:55