Кизилиос верало. 6-тӥ-12-тӥ гудырикошкон

Удмурт Дунне
By Удмурт Дунне Август 3, 2018 17:08

Така.

Таиз арня выль малпанъёстэс быдэстыны понна тужгес тупа. Шӧдонды зол, солы луыса уноез юанъёс капчиен сэрттӥськозы. Средае но четверге малы ке вылезлы дышетскыны, творчествоен вырыны, информациен ужаны умой. Суббота — эшъёсыныды пумиськыны.

Ош.

Мар ке басьтон-вузан ласянь тупась вакыт. Кизилиос умой табыш сӥзё ужбергатонэн вырисьёслы. Каллен мынӥсь ужъёстэс ӝогомытоно, соку асьтэлы но дырды сюроз. Тазалыктылы саклык висъялэ, секыт ужен вырыны уг яра. Та вакытэ тӥледлы мугордэс шутэтскытыны кулэ.

Кыктоос.

Люкаськем ужъёстэс сэрттыны вырыса, воксё сураськоды. Ас вылады укыр трос басьтӥды, кылдэс юась адямиос сюрозы. Уждэс сюлмысьтыды, тыршыса лэсьтӥды ке, ваньмыз пӧрмоз. Умой луоз, кытчы ке шутэтскыны кошкыса. Мылкыддэс ӝутоды, лавкаостӥ ортчыса но.

Кисло-кусло.

Люкаськем

шуг-секытъёс-ты капчи мылкыдын пумитаны быгатоды. Сюлмаськонъёс луозы, но вормымонэсь. Пунэмен уксёдэс курисьёс сюрозы, но коньдонэныды люкиськыны эн дыртэ, берыктозы шуыса оскон ичи. Кин ке улонзэ воштыны турттыса трос дырзэ быдтэ.

Лев.

Калык сярысь сюлмаськиды ке, ужды пӧр-моз. Арня кутсконын адямиосын огкыл шедьтыны быгатэмды юрттоз. Малпанъёстэс, мылкыдъёстэс пушкады возьыны тырше. Матысь адямиосыныды эн керетэ, бӧрысь соосын тупаны секыт луоз. Арня пумын кыӵе ке бадӟым вуз басьтоды.

Нылмурт.

Выль ужъёс борды басьтӥськыны умой вакыт. Шутэтскем, пӧзись мылкыдды гурезьёсты берыктыны тырмымон. Эн ыштӥське кивалтӥсьты выль уж ӵектӥз ке, умой коньдон премия басьтоды. Арня пумын шӧдтэк шорысь кытчы ке шутэтскыны мыноды, солэсь уно ӟеч мылкыд басьтоды.

Весъёс.

Та вакытэ удалтоз уж но дуно документъёс гожтон ласянь. Арня кутсконын котькинэн капчиен тупалоды. Вӧзады трос адямиос бергало, но оскиське кемалась тодмо муртъёслы. Выль ужъёслы дась луэ. Арня пумын корка котырады утялске. Куштэ урод тодэ ваёнъёс вайись арбериосты.

Скорпион.

Укыр зол ужады ке, кужымды кемалы уз тырмы. Тросгес чылкыт омыре поталэ, со мылкыддэс ӝутэм сяна, тазалыктылы умой. Али лэсьтӥськон ужъёсты мытыны тупалоз. Кузпалэныды коньдон ласясь валамтэос кылдыны быгатозы. Тӥ выль мылкыдлы, адямиосын пумиськонлы кулэяськиськоды, но тодмотэм муртъёслы оскиськыны эн дыртэ.

Ыбылӥськись.

Ужды люкаськемын ке но, дыр вуиз шутэтскыны. Умоез сярысь гинэ малпаське, угось кӧня ке ортчыса, со зэманы быгатоз. Эн алдаське, кыл вӧлдыса эн ветлэ. Арня пумын отпуске кошкыны тужгес тупась вакыт.

Сюро кеч.

Тӥляд потэ, люкаськем ужъёстэс кин ке но мед сэрттоз шуыса. Но соосты лэсьтыны тӥ гинэ быгатоды. Матысь дыре эшъёстылы юрттэтты кулэ луоз. Гажанэныды валамтэос кылдыны быгатозы, но арня пумын ваньмыз интыяз пуксёз. Лавкаостӥ трос эн ветлэ, эсэпсэ валатэк, трос уксё быдтоды.

Вукисьтась.

Ваньзэ, мар та арня вискын лэсьтӥды, азьланяз тӥледлы пайдаен берык-тӥськоз. Тазалыктылы дырдэс висъялэ. Ужъёстэс, адямиос сярысь малпаськыса, лэсьтэ. Луонлыкты вань ке, инкуазе поталэ. Уката пайдаё бакча котырын уж.

Чорыгъёс.

Та арня котьма ласянь капчиен сётӥськоз. Удалтоз уж утчасьёслы. Но сак луыны мугъёс вань ик. Малпанъёстэс шара верамдылэсь азьло рос-пос малпаське. Возиськоно секыт ужъёслэсь — тазалыкеныды сюлмаськонъёс кылдыны быгатозы. Шутэтскыса трогес пайда басьтоды.

Удмурт Дунне
By Удмурт Дунне Август 3, 2018 17:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<