К. Калашников нимо музейын 70 ож тӥрлык возьматэмын

Ангелина Снигирева
By Ангелина Снигирева Август 31, 2018 15:56

Туннэ Ижысь М. Калашником нимо музейын пыӵал тӥрлыкъёсын адӟытон усьтӥськиз. Отын возьматэмын городысь заводъёсын потӥсь 70-лэсь уно ож тӥрлык.

Кылсярысь, адӟытонын тодматскыны луоз АН-94 «Абакан» автоматэн, «Бизон» пистолет-пулемётэн, ИЖ-22 но ИЖ-38 винтовкаосын, ИЖ-40 но ИЖ-53 пистолетъёсын. Нимысьтыз люкет висъямын спортын кутӥськись пыӵал тӥрлыклы. Угось Ижын лэсьтэм винтовкаос но пистолетъёс трос Олимпиадаосын но дуннеысь ӵошатсконъёсын уно спортсменъёслы вормонъёс басьтылыны юрттӥзы.

Ужрадэз сӥё-дано усьтӥзы культурая но туризмъя министр Владимир Соловьёв, Удмуртиысь военной комиссар Александр Комлев, конструктор Михаил Драгунов. Отчы вуизы Ижысь пыӵал поттӥсь предприятиос но дышетскисьёс.

Ижкар но Удмуртия Россилэн ож тӥрлык поттонъя шорсюлэмзы луэ. Со асьмелэн историмы, сое тодыны но, соин данъяськыны котькумы кулэ, пусйиз В. Соловьёв. Соин выль усьтӥськем адӟытон огкадь тунсыко луоз егитъёслы но, мӧйыосмлы но.

Адӟытон сӥземын дано конструкторлэн Михаил Калашниковлэн вордскемез дырысеныз 100 ар тырмонэзлы, вераз музейлэн директорез Ольга Минервина. Нош Оружейниклэн нуналэзлы, со 19-тӥ сентябре пусйиське, адӟытон паськыталоз — отын возьматэмын луозы на туала вакытэ потӥсь ож тӥрлык.

Ужрадэ вуэмъёс понна П. Чайковский нимо Ижысь муниципальной камерной хор кырӟаз, нош «Ижевск» хореографияя ансамбль яркыт номереныз паймытӥз.

Адӟытон 26-тӥ ноябрёзь ужалоз.

УД

Ангелина Снигирева
By Ангелина Снигирева Август 31, 2018 15:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<