Ижын ортчиз Удмуртиысь журналистъёслэн 20-тӥ съездзы

Ангелина Снигирева
By Ангелина Снигирева Август 30, 2018 15:53
Союзлэн правлениез

Журналистъёслэн союззылэн кивалтӥсез Елена Капитоненко огазеяськонлэн 2013-тӥ — 2018-тӥ аръёслы ужамезлы йылпумъянъёс лэсьтӥз. Пусъемын вал азьланезлы проектъёс, выль ужпумъёс.

Съездын быръемын Удмуртиысь Журналистъёслэн огазеяськонзылы выль правление, ревизионной комиссия, нырысьсэ быръемын Бадӟым жюри. Со, пе, выроз СМИ-осын кылдӥсь ваче вуонъёсын, эскероз керетонэ вуттӥсь статьяосты, иворъёсты, тупало-а соос журналистикалэн этикаезлы, уг тӥяло-а кинлэсь ке правооссэ. Бадӟым жюрие пыризы журналистика удысысь зэмос аксакалъёс, бадӟым опытэн журналистъёс.

Съездын Удмуртиысь Журналистъёслэн союзэзлэсь выль уставзэ кутӥзы, вераськизы туала вакытэ журналистикалэсь данзэ будэтон но трос мукет ужпумъёс сярысь.

— Мынэсьтым ӵемысь юало: малы журналистъёслэн огазеяськоназы пыронэз? Мар со сётоз? Эн юалэ, мар сётоз, юалэ: нош мар мон союзлы сётыны быгато? — пусйиз Елена Капитоненко.

Съездын шӧдӥськиз: журналистъёс дась огазе кариськыса ужаны. Озьы гинэ бадӟым возэз вормыны луоз. Нялтас вераса, уж вырӟиз ини. Кемалась ӧвӧл журналитъёслэн огазеяськонзы утӥз Россиысь Президентлэсь 1 миллион 800 сюрс манет тыр грантсэ, нош матысь дыре Ижын ортчоз «Инфорум» бадӟым ужрад, дорамы вуылозы Москваысь журналистика удысысь экспертъёс.

Елена Миннигараева

Ангелина Снигирева
By Ангелина Снигирева Август 30, 2018 15:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<