«Ижсталь» клублэн выль тренерез

Ангелина Снигирева
By Ангелина Снигирева Август 2, 2018 14:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

И. Кропоткин

Хоккеен шудонъя «Ижсталь» клублы кема витем тренер юнматэмын — Игорь Кропотин. Та сярысь ивортэ командалэн пресс-службаез.

Игорь Кропотин вордскемын 1962-тӥ арын. Хоккеен шудыны дышетскиз, кыдаз Ижын. Кӧня ке ар ӵоже Глазовысь «Прогресс» командалэн нападающиез вал. Бӧрысь удыссэ азинтӥз тренер луыса. Со будэтӥз-кыдатӥз уно тодмо хоккеистъёсты, кылсярысь, Ильназ Загитовез, Дмитрий Мекешкинэз, Рамиль Сайфуллинэз, Фёдор Тютинэз, Алексей Вахрушевез, Рустам Гайнутдиновез но Кирилл Князевез. Ижын сяна, И. Кропотин валтӥсь тренер луыса тыршиз Нефтекамскысь «Торос» командаын, озьы ик кивалтӥз Поволжьеысь егитъёслэн хоккеен шудонъя сборноенызы. Та удысын ӟеч тыршемез понна пусъемын «Удмурт Республикась дано тренер» но «Россиысь мугорез кыдатон но спорт удысысь отличник» нимъёсын.

Игорь Кропотинлы юрттӥсе юнматэмын Алексей Вахрушев. «Ижсталь» командаын со шудӥз 10 сезон ӵоже, кужымзэ мертаз 450 матчъёсын. Озьы ик шудӥз Омскысь «Авангард», Уфаысь «Салават Юлаев», Москваысь «Спартак», Ангарскысь «Ермак» командаосын. 2015-тӥ-2016-тӥ аръёсы валтӥсь тренер луыса тыршиз «Ижстыльын» — ӵапак соку команда пусъемын Хоккейя Вылӥ лигалэн чемпионатэзлэн азвесь медаленыз. Вормонъёс басьтэмез понна А. Вахрушев пусъемын Россиысь хоккейя федерацилэн кубокеныз.

Елена Слащёва

Фото басьтэмын http://www.hcizhstal.ru

Ангелина Снигирева
By Ангелина Снигирева Август 2, 2018 14:15 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<