Ижкарлы тӧрое кык кандидат быръемын

Удмурт Дунне
By Удмурт Дунне Август 10, 2018 23:08

10-тӥ августэ конкурсной комиссия городлы тӧрое куриськись 13 кандидатъёс пӧлысь кык муртэз бырйиз.

Со «Прядки в порядке» парикмахерскойёслэн кивалтӥсьсы Константин Сунцов но гуманитарной лицейлэн директорез Михаил Черемных.

Комиссия К. Сунцовлы – 491 балл, М. Черныхлы – 418 балл сётӥз.

Табере кыл сётӥське Иж город Думаысь депутатъёслы, соос городлы вуоно тӧроез быръёзы, пусйиз Тӧролэн но правительстволэн администрациенызы кивалтӥсь Сергей Смирнов .

Конкурслэн финалаз потэм К. Сунцов вуоно тӧро сямен со городэз азинтон борды басьтӥськысал школаосты, нылпи садъёсты выль дышетскон арлы дасян, толлы дасяськон бордысен, тыршысал «Кышкыт луисьтэм но ӟеч сюресъёс» но «Формирование комфортной городской среды» программаосты ӟеч йылпумъян бордын.

Михаил Черемных верамъя, городэз азинтон понна кужмо но огкылысь ужась команда луыны кулэ шуыса, отын пӧртэм удысъёсысь ужзэс тодӥсь но валась адямиос мед тыршозы. Вуоно тӧро сямен со кутысал городэз азинтонъя нимысьтыз стратегия, тупатысал коньдон ужпумъёсты.

Кин та кык кандидатъёс пӧлысь Ижкарлы тӧро кариськоз город думаысь депутатъёс быръёзы 20-тӥ августэ.

Ангелина Снигирёва

Тспуктӥз Юлия Стерхова

 

 

 

Удмурт Дунне
By Удмурт Дунне Август 10, 2018 23:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<