Гуртэз соге борщевик

Удмурт Дунне
By Удмурт Дунне Август 23, 2018 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Борщевик коркаос ӝужда будӥз ни

Шаркан ёросысь Таклё гуртэ пыронын ик аспӧртэм аллея кылдэм. Сюрес кузя 3 метрлэсь ӝужыт борщевик будэ.

Борщевик татын сыӵе удалтэм — кенерлэсь вылэ кыстӥськем. Гуртысь мукет ульчаостӥ котырским — отын ваньмыз утялтэмын, таӵе аллеяоссы ӧвӧл. Валамон, борщевиклэн кидысэз котькытчы вуэ, дыр, но адямиос утялто, луоз. Тани артысь Байбек гуртын но будослы аляны уг сёто. Нош Таклёысь шор ульчаын — эрик!

Кыква муниципал кылдытэтлэн кивалтӥсез Яков Батаногов но йыр бордаз кырмиське. Дышетскемезъя со агроном. Борщевикен нюръяськон амалъёс сярысь профессоръёслэсь но юалляськи, шуэ. Тужгес усто амал, пе, — химия суретъёсты пазян.

Гурт калыкез борщевикен нюръяськыны уд потты, уго та будос адямилэн тазалыкезлы кышкыт луэ, модосысьтыз вуэз пазьгиське ке, ку пульса. Техникаез но татчы уд лэзьы, малы ке шуоно борщевик ярдур кузя будэмын, тракторен пырыны уз луы. Соин та ужез, пе, специалистъёс быдэстыны кулэ. Кылсярысь, Санкт-Петербургысь фирма 1 гектар вылысь борщевикез быдтон понна 60 сюрс манет куре. Нош муниципал кылдытэтлэн кисыяз сюресъёсты сузяны-возьыны быдэс арлы 42 сюрс манет гинэ чакламын.

Ӵап та нуналъёсы тунсыко ивор вераз Удмуртиысь Гурт удысъя но сиён-юонъя министерстволэн пресс-службаез. Россилэн Северо-Западной улосаз борщевикен нюръяськонъя эксперимент кутскем. Ленинград улосын шедьтӥллям выль амал: алясь будос пӧлы ик топинамбур мерттӥллям. Вормиз топинамбур. Таиз но будос алясь, пе. Но музъем понна санитар луэ. Ӵемысь сое мертто жаг куян интыосы, автотрассаос дуре, промзонаосы. 3 ар куспын музъемлэн вань ӟечлыкез берытске. Нош собере кызьы вормоно алясь топинамбурез? Ленинград улосын ик тазэ но экспериментэз радъяллям. Бусыез 2 пол гырыса, топинамбур уг ни поты, пе.

Нош Китайын улӥсьёс топинамбурез уката но ярато. Татын, солы сӥзьыса, бадӟым симпозиумъёс ортчытъяло. Отын топинамбурез ӵемгес куто эмъюм лэсьтонын но спирт поттонын.

Оло, юлтошъёс, асьмеос но эксперимент радъялом — топинамбур мерттыса утчалом?

ЮБЕР КЫШНО

Удмурт Дунне
By Удмурт Дунне Август 23, 2018 11:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<