Бюджет чотын ужась огазеяськонъёс куд-ог вузъёсты но услугаосты, торгъёс ялытэк, нимысьтыз сайт пыр басьтыны быгатозы

Удмурт Дунне
By Удмурт Дунне 1 августа, 2018 11:11

Коньдон ужпумъёсъя министерство ивортэмъя, Удмуртиысь Огъя закупкаосъя системалэн сайтаз — wt.mfur.ru/portal — усьтӥськиз ичи дунэн вузъёслы («Малые закупки») электрон магазин. Бюджет организациос со пыр 100 сюрслэсь (куд-ог дыръя 400 сюрс манетлэсь) дунтэмгес вузъёс но услугаос ӵектӥсьёсты шедьтыны быгатозы.

Та вакытэ предприятиосынлэн вузъёсынызы, услугаосынызы но соослы дунъёсын улосвыл база кылдытӥське. 1-тӥ шуркынмонозь бюджет огазеяськонъёслы но унитарной предприятиослы луонлык сётэмын ужаны вуж но, выль но амалъя. Нош собере электрон магазинысь гинэ басьяськыны лэзёзы.

Асьсэлэсь продукцизэс вузъёс ӵектӥсьёсты огъя закупкаосъя сайтын пусйиськыны куро. Кулэ иворъёсты шедьтыны луоз, «Малые закупки» баме пырыса. Яке (3412) 511-036 телефон номере жингыртыса.

Сергей Захаров

Удмурт Дунне
By Удмурт Дунне 1 августа, 2018 11:11