Учкон воштӥське

Ангелина Снигирева
By Ангелина Снигирева Август 24, 2018 18:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Пудо сиён йырлы быдэ 33,7 центнер люкаськиз.

Кызьы улоз гурт удыс 2020-тӥ арозь? Гурт удысъя но сиён-юонъя министерстволэн общественной кенешаз та юанэз эскеризы.

Гурт удысэз азинтонъя стратегия кутэмын вал 10 ар талэсь азьло. Соя хозяйствоос азе йӧл кысконъя, сӥль поттонъя, нянь будэтонъя ужпумъёс пуктэмын. Кылсярысь, 2020-тӥ арын хозяйствоос 1 миллион тонна ю-нянь люканы кулэ. Но сомында урожай бичаны асьмеос ум быгатӥське на. Миым, тужгес узыр аре но, 703 сюрс тонна сяна ю люканы ӧм пӧрмытэ. Туэ чакламын 550 сюрс тоннаозь ке но вуыны. Соин ик стратегие воштонъёс пыртыны ӵектэмын. Озьы 2020-тӥ арын 580 сюрс тонна ю-нянь люканы ужпум пуктэмын.

— 600 сюрс тонна ю люканы быгатомы, со пудо сюдыны но тырмыт, — шуиз гурт удысъя но сиён-юонъя министр Ольга Абрамова. — Кидыслы 100 сюрс тонна кулэ. 1 миллион тонна калтон понна 2 поллы тросгес КЗС-ёс, кеносъёс ӝутоно. Таизлы хозяйствоос туннэ дасесь ӧвӧл.

Кенеше люкаськем хозяйствоослэн кивалтӥсьёссы пӧлын юан ӝутӥськиз: лыдпусъёсты уськытӥмы ке, бюджет ласянь шымыртӥськыны уз косэ-а? Стратегие воштонъёс пыртоно ке, 2020-тӥ арын йӧл 808 сюрс тонна кыскыны кулэ. Куке-соку 1 миллион тоннаозь вуттӥськыны ужпум пуктылӥзы. Миым 763,4 сюрс тонна йӧл кыскыны пӧрмытӥмы. Сӥль 180 сюрс тонна поттыны чакламын (миым 173,7 сюрс тоннаозь вуим). Выль стратегияя оглом гурт удысын поттэм барыш 77,8 миллиард манетозь вуыны кулэ, нош 2025-тӥын — 94,8 миллиард манет. Али та лыдпус 71,5 миллиард манет вылын возиське. Ольга Абрамова пусъемъя, котькыӵе ужпумъёс асьме азе мед пуктомы, но бюджет кылдэ луонлыкъёс бордысь — мылпотэмъя уг. Ужаммес учкозы планъёсты быдэстыны быгатэммыя, малы уг быдэсто шуыса юан кылдылоз. Соин ик зэмос югдурез санэ басьтоно.

Уждун йылтон сярысь но малпаськоно, шуизы гурт удысысь кивалтӥсьёс. Уждун тырон быдэсак хозяйствоос вылын. Но колхоз тӧроос пӧлысь кин ке дуно машина басьтэ, кин ке уждун тыре. Субсидия йылӥз ке, соку котькуд ужасьлы 21 сюрс но уждун тырыны луонлык кылдоз шуыса верасьёс сюризы. Туэ бюджетын гуртоослы 2 миллиард манет висъямын. Хозяйствоосын 30 сюрс ужась. Ваньзылы бюджетэз люкылӥд ке, толэзьлы быдэ ог 6 сюрс манет вуоз. Но та юрттоз-а? Котькуд хозяйство ас азяз азинсконъя ужпум пуктыны кулэ, шуэ Ольга Абрамова.

— Милям предприятимы понна субсидия вань сюлмаськонъёслы пум понӥсь ӧвӧл. Ми сотэк но улыны быгатомы, — шуиз Вотка ёросысь «Пихтовка» хозяйствоен кивалтӥсь Георгий Крылов. — Котькуд хозяйстволэн азинскыны аслаз резервъёсыз луыны кулэ. «Пихтовкаын» котькуд гектарысь 100 сюрс манет выручка поттыны чакласькомы. Озьы 4 сюрс 80 гектарысь араз 487 миллион манет потыны кулэ. Миым шоро-куспо уждун 39 сюрс манет вал. Кун ласянь юрттэт луоз я уз, но азьланяз чакласькомы шоро-куспо уждунэз 70-80 сюрс манетозь вуттыны. Вань та малпанъёс ӝоггес быдэсмысалзы, мукет хозяйствоос понна но капчигес луысал, гуртоос шоры учкон воштӥськысалыз ке. Кылсярысь, али хозяйство страховой взнос тыре 30,2 процент. Сое, 10 ар талэсь азьло сямен, 10,6 процентозь уськытысалзы ке, араз 24 миллион манет хозяйствое кыльысал, сое азинскон понна ик кутысалмы. Ӵошатон вылысь: субсидия 4 миллион манет вуэ. Татарстанын сямен кылдытоно гуртэз но хозяйствоосты ӝутыны юрттонъя инвестиционной фонд. Собере, гурт удысын тужгес ляб инты — ю-нянь будэтон. Палэнысь шаерамы вуттӥськомы 300 сюрс тонна ю тысь, талы 2 миллиард манет быдтӥськомы. Со нянез асьмеос будэтӥмы ке, со уксё асьмелы ик кылёз.

Макем тросгес музъемен выромы, сокем тросгес йӧл кыскомы, пудо будэтомы. Соин ик та удысъя ужпумъёс министерстволэн программаяз пырозы.

Елена САРАМАТОВА

Ангелина Снигирева
By Ангелина Снигирева Август 24, 2018 18:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<